اخواتي كيفاه نتعامل مع اب زوجي وعجوزتي وسلفاتي اب زوجي كون يصيب ما يشوفنيش قدامو يحب غير بناتو معاهم يضحك ويتوانس وانا قدامي غير يتنهد ويستغفر وعجوزتي كل مرة بي حالة تبع بناتها كل مرة بي وجه كي تخرج طل علي مريض من العائلة تاعهم تتلم هي وبناتها ويديرو بروقرام وانا لاخبر وفي الاخير كي وحدة منهم ما تقدرش تروح تقولي سجي روحك تروحي معانا في اخر دور من قبل البرنامج مع بعضاهم هي وبناتها وهذا راني ساكنة معاهم وعروسة وحدة عندها ولد واحد لا قدر ما صبتش كيفاه نتعامل مع عباد كيما هكذا تاع صلاحهم برك كي قالتلي هي في الدقيقة الاخيرة قلتلها ما نروحش مرة اخري ونروح وهذا كي سلفتي ما قدرتش تروح برك قولولي كيفاه نتعامل غلبت من هذ الناس وكي تمرض عجوزتي يبدي شيخي راكي قللتي يعني انا لي قلقتها نخاف بعيد الشر كون يموت واحد يقولولي انتي لي قتلتيه
وعيشي حايتك مبسوطة و لا كأنك سامعة شيئ ..و دائما أحسني النية وأجعلي ماتقومين به من خير لوجه الله .. فتكونين من المأجورين ان شاء الله .. ومع الوقت سترين ما يرضيك منهم ..
الله يسعدك في حياتك عزيزتي
اما على يقلك واحد قتلتيها الاعمار بيد الله
والنقطة المهمة انك وينو زوجك من كل هد الى زوجك مليح معاك اتصرف بما يرضى الله وما رباك عليه اصلك وتربيتك لوجه الله
والباقى كامل ناقص زايد وزيد اتعلمى حاجة ارضاء الناس غاية لا تدرك
قليلى من الاحتكاك وكونى باردة الاعصاب وفوضى امرك لله تم زوجك لانو ربى هو الناصف وزوجك هو لى يطلع فى قدرك او ينزلو
وكل مل تفعليه انويه لله لا غير
وكما قالت احدى الاخوات لا ضيعى حياتك فى امور فايتا اعملى لى تقدرى عليه من خير وابعدى ع الشر نوعدك بلى يحبوك
الله يفؤج همك
