طريقتي
*تحضير الشجيرات
البروكلو بعد ما يتنظف تحت العين تع الماء نحط يغلي في ماء/ توابل+ملح حتان يطيب مبصح ماشي خلاه لازم يبقى حاكم روحو نحط يسقطر في كسكاس
نحضر الخليط التالي بيض+شوية حليب+معدنوس مقصوص+توابل(فلفل اسود فلفل عكري حار وحلو تابل وكروية الفاح تونسي)+ملح +شوية فرينة نتحصل على مزيج متوسط لاهو خاثر ولا سائل كثير
نضع شجيرة البروكلو في هدا الخليط ونبدى نقلي فيه حتان نكمل الكمية الي عندي.
(ممكن يؤكل مباشرة بلا صوص)
*الصوص
نحضر صوص حمراء زيت+بصل+ثوم+لحم مفروم+فطر+طماطم مصبرة +ملح وتوابل (نفسها)+معدنوس+زيتون اخضر مغلى قبلا ونخليها حتان يطيب اللحم وتخثار شوية.
نجيب الشجيرات تع البروكلو المقليين ونصففهم في بلاتو تع فور ونقصهم على النصف واحيانا على اربعة ان كانت كبيرة بحيث تكون الجهة الي من الداخل نضعها هي الملامسة لسطح البلاتو وهكدا
*تحضير البلاتو تع الفور
من بعد نجيب فرشات ونضغط عليهم شوية
نجيب الصوص تاعي ونضيفلها البيض المخفوق وشوية حليب ونحرك ثم نصبها من فوق البروكلو حتان تغطيه
نضع فوقها المعدنوس المفروم والزيتون الاخضر او حتى الاسود المقصوص والفطر.
اضعها في الفرن وقبل اخراجها نرابيلها الجبن ونرجها شوية للفرن
شكلها راح يجي يشبه البيتزا وهو منظر خداع لكارهي البروكلو
وراح تخليهم يدوقوه 
اما البنة فهي مضمونة
كي يطيب نصفيوه
نضربو البيض مع شوية ملح+فلفل أسود+معدنوس مقطع رقيق
نعقبو البروكلو في خليط البيض ثم في الفرينة و نقليوه في زيت ساخن
و يقدم مع السلاطة
الطريقة الثانية :
بعد ما نقليوه نردوه في صوص حمراء باللحم يطيب شوية و نطفيو عليه
لكن قبل ما نفور نحب نحط البروكلو في ماء وخل باش نطمئن على الجراثيم باللي تخلصت منها نهائيا
ثم في مكان الفرينة نرمد في دقيق أو السميد لأانه يحمار بسرعة والنكهة أفضل ….
جربت مرة حطيته بلا قليان في صوص حمرا وجاني مليح ثاني أحيانا ما يكونش البيض وأحيانا نحبو نبعدو على القليان شوية لأن القليان هذا مصيبة المطبخ الجزائري في نظري لهذا كثرت الأمراض الغريبة والخطيرة الله يعافينا وإياكم
لهذا ننصح ربات البيوت تستهلى في هذا الجانب وما تتلزش للقليان إلا في مرات قليلة جدا ….
لأن صحة الأسرة أمانة بين يدينا
و خطرات نديو مع لاصوص حمرا مع الجاج
