هدا أوم يوم لي في مدونة سيدات الجزائر الرائع وهذا أول موضوع لي في هذا القسم
**************
مرحبا بيا
**************
المهم حبيت نتجمعو في هذا الموضوع ولنتبادل افكارنا وتقاليدنا الخاصة بعيد الأضحى يعني في 48 ولاية أنا من خلال بحت في الانترنت لقيت هذا الموضوع من واحد السيدة جزاها الله خيراً
عجبني موضوعها ياسر وطريقتها في سرد الأحدات إن شاء الله يعجبكم وتستفد منو
ويكون إن شاء الله مرجع للجميع
نسيت نقلكم مسبقاً عيد سعيد كل عام وانتم بخير
*************
نبدا بإسم الله
*************
…
طيب
راح نبتدي حكايتي من لما قالي زوجي يوم عرفة انه رايح يجيب الخرفان
رغم ان العمل كان جماعي
يعني مش مجهودي وحدي
وكانت لمة جميلة الحمد لله
طبعا كانت تجهيزات ماقبل العيد في تنظيف البيت والمطبخ سبقت يوم عرفة…
لكن في هاد الموضوع حاولنا نصور ما يخص الخروف فقط
لانه في حد داته موضوع كبير ماشاء الله
**********
وفي هاد اليوم المبارك كنا طبعا صايمين…ربي يتقبل منا ومنكم
فجهزنا حاجات كثير بالاضافة للفطور
لعل اهمها عمل خبز الدار
اللي لحم الخروف في بلادي لا يمكن يستغنى عنه ابدااااااااااااااا
والتواابل…من الاحسن تكون مرحية جدييييد خاصة الفلفل الاسود والكسبر
والفلفل احمر( البابريكا) والكمون
وطبعا الاعشااااب الجمييييييلة
اكليل الجبل و الزعتر حتى ولو مجففة
المعدنوس (البقدونس) والدبشة (الكسبرة الخضرا)
اللي هو …..
اي نعم الثلااااجة
لانه مش راح نسمحله يطلع عندي فوق الا لما يكون تمااااااااااااااااام
رغم انه ضيف عزيز
وكل العمليات راح تتم تحت في الحوش
جهزنا السكاكين ومضيناها
اي اتصقلت حتى اصبحت حاااااااااادة وجاهزة للتقطيع
اي خدمة 
وطبعا كل الاواني والمستلزمات اللي ممكن نحتاجها
اتجهزت في مكان الدبح
من بينها اسياخ الشواء
خاصة الخشب منها لازم تتبل في الماء ليلة من قبل حتى ماتتحرقش على الجمر
عودتنا امهاتنا وحماواتنا اننا نعمل للخروف الحنه كما نعملها لولادنا
في ليلة العيد
مانيش عارفة …
ممكن يكون نوع من الترحيب بالضيف الجديد
شوفو
كانت هادي يا فتوكات ابرز التحضيرات اللي تخص الخروف
وغدوة ان شاء الله نكملو وش عملنا
في العيييييييييييييييييد
سبحااااان الله والحمد لله ولا اله الا الله
صحيت من النوم على هاد الكلام الجمييييييل
العييييييييييييييييييد
اليوم عيد
راحت الجماعة تصلي
واحنا طبعا بقينا في البيت
نظفنا شوية المكان اللي كانو فيه الخرفان الوقت اللي رجعو
وبدو الدبح
كان صعيب التصوير والعمل في وقت واحد
فاغلب الصور عملهملي ابن اخو زوجي ربي يحفظه ويخليه
وحاولنا نركز في التصوير على الخروف الاول اللي هو اصلا خروفي 
فابتدو وجهوه ناحية القبلة
وبسم الله بدينا وعلى النبي صلينا
الله اكبر
وابتدت عملية سلخ الجلد
لما يقرب الجلد يتسلخ من اللحم يعلقوه ويكملو نزع كل الجلد
خلاص علقنا الجزرة …مش اللي ياكلها الارنب
اول حاجة تتقطع من الخروف الراص والكرعين (الكوارع)
يبقا راح نبتدي بيهم ان شاء الله
امي كانت تنظفه بالماء المغلي…يعني تنحي الوبر او شعر الصوف اللي فيهم بالماء المغلي
والسكين
هاد العمل يحب اليد الخفيفة
لكن اهل زوجي يحرقوه مع التقليب المستمر وينزعو بالسكين كل الشعر المحروق بالسكين
لكن للي تنظف في الحوش
الطريقة هادي ماتنفعش في داخل البيت
انا عملت هاد الراص والكرعين ونؤكد لكم انها طريقة سهلة وسريعة
لكن تحب التقليييب المستمر لمنع وصول الاحتراق الى اللحم
شفتو كيف الوبر يبدا ينقص بالشوية
ونفس العملية نعملها للكرعين
الفرق اننا ننحيله الصندل اللي كان لابسه وهو بالحرارة راح يتنحى بالسكين
نحاول نغسلهم سريييعا بالماء الساخن والصابون
حتى ننحي اثار الحرق
ونغسله بعدها بمااااااااااء غزييييييير مع الدعك حتى ننحي اثار الحرق والصابون مع بعض
والنتيييييجة …ولا شعرايا ولا وبرايا تبقت فيه
الان يمكن نقسمه اجزاء او نصفين او كامل متحمر
لكن شخصيا نفضل الاجزاء لانه تتغسل من داخل احسن ويمكن تتجزاء وتتحط في الفريزر
وهدا اللي عملناه لانه الكل شبعان و غير راغب فيه الان والاطباق الثانية كانت كثيرة
راح نخلوك يا راص لوقت الحاجة 
وما ادراك مالجلد للناس اللي ترميه
والله انتي تقدري تعملي بيه عمااااااااااااايل
اولها مخدات مريحة للنوم احسن من مخدات الصين اللي يحشو فيها اللي نعرفه واللي مانعرفوش
او مخدات صغيرة للولاد عليها احرف او ارقام راح تكون جميلة في غرفتهم
او حتى مخدات صغيرة تتحط في غرفة الاستقبال وتمد منظر جميل
وكثير يحبو يغسلوه ويخلوه بجلده كما هو ويفرشوه يمد منظر تقليدي
المهم راح نلفوه على نفسه بهاد الشكل
البعض هنا يحطو على الجلد من الجهة الملساء خميرة الخبز مدوبة في شوية ماء
والبعض الاخر يدهنوه بماء الكلور eau de javel
ويوضع في كيس بلاستيكي كبير ويتغلق
ويتحط في مكان دافي شوية
بعد ايام راح تشوفي الصوف تنتزع بسهوووووولة
تغاضي عن الرائحة الجميييي
يييييلة واغسليها كم مرة حتى تكون نظيييييييفه
لو اتنزعت قبل ما نكمل موضوعي راح نصورها ان شاء الله في اخر الموضوع
الان نرجع للجزرة ..يعني للخروف بعد ماتعلق واتنزع منه الجلد
عملو فتحه ونحو كللللللل المصارين والكبدة والكرشة والرئة والقلب واللواحق
بدينا نفرغ محتوى الكرشة واللواحق اللي معاها زي مانشوف في الصورة
وكنا عاملين كيس خاص للفضلات اعزكم الله في دلو كبير بهدا الشكل
ويكون عمل نظيف ومرتب
فرغنا واحدة واحدة كللللل شيء
وحطيناه في انيه جاهز الان للغسيييييل
كلللللللل شيء يتقلب
غسلنا كل حاجة على حدى من برا ومن داخل
جيييييييييد جدا
ونفس الشيء بالنسبة لكل الاشياء الاخرى بما فيها المصارن
وهكدا غسلنا الباقي بنفس الطريقة مع الفررررك الجيد
حبيت نتوقف عند حاجة
مانعرفش ادا مفهومها منتشر في كل العالم العربي
هاد الجزء من الاحشاء…وش تسموه عندكم
احنا تتسمى عندنا (طلاقة النساء) ههههههههههههه
لانها تحتوي على طبقات فوق بعض وممكن تتغسل وتبقى بعض الفضلات لداخل وماتتشافش
فالحماوات زمان كانو يقيسو درجة شطارة عرايسهم بغسيل هاد الجزء
ولوعروسة خلت طبقة مش مغسولة مليح تتطلق
نكمل ان شاء الله
كل شيء اتغسل بنفس الطريقة بعد ماتقلب
وراح نشوف في تكملة الموضوع ان شاء الله انه احسن طريقة للتنظيف هي الغليان في الماء والملح او الخل
كان مستحيل يا بنات نصور كلل المرحل
اصلا اللي يشوفني نخلي عملي ونصور يعملي هكا
وانا نعملله هكا
واهي عدت
وطبعا الجزء اللي ياخد اكبر وقت هو المصاريييييييييييييييييين
لازم تتقلب طبعا وتتنظف مليح ولو مش راح تتغلى يبقى لازم تتحط في ماء وخل او ملح
كان هدا كل مايخص التنظيف
وطبعا الكبدة نحو منها المرارة اول ما خرجوها من الخروف
واتغسلت هي والرئة والقلب اللي نحينا منه الغلاف المحيط بيه والطحال مليييح
ومعروف ان الكبدة اول حاجة تؤكل …
احنا عندنا اول مايخلصو الرجال من الدبح لازم يفطرو على ال "ابو لفاف"
بولفاف هدا هو عبارة عن كبدة ملفوفة في الشحمة الرقيقة هادي المحيطة بالاحشاء ومشوية على الجمر
وكانت هادي حصتي من بولفاف حبيت نقسمها معاكم
مااااااا احلى البولفاااااف 
وبدينا بعدها تحضير الغدا
اللي كان "بكبوكة" و"بولفاف" بطريقتين و"حميص"
اسامي غريبة صح!!!
البكبوكة عبارة عن كبدة وقلب ورئة متقطعين وعليهم ثوم وفلفل اسود وملح وورقة رند (غار)
مع شوييية زيت في طنجرة الضغط وينضجو على نار هادية
ولها عدة طرق حسب الدوق ناس يحبوها بمرق احمر وماتكونش ناشفة
لكن انا في رايي هادي الاحسن
اما البولفاف
فكانت الطريقة اللي فاتت هي الاسرع والاجمل في رايي
زوجة اخو زوجي تعملها بطريقة ثانية جمييلة ايضا لانها في الاصل من منطقة اخرى
حبيبتي هي
تشوي كل من الكبدة والرئة والطحال و القلب وترحيهم في الخلاط الكهربائي "الكبة" زي ماتقولو
مع بصل وثوم وطماطم وفلفل اسود وملح ومعدنوس"بقدونس" ودبشة "كسبرة خضرا"
وتتلف في الشحمة الرقيقة دايما
وتتحط في الفرن بدون اي اضافات لانها وحدها راح تعمل صوص
شفتو يا بنات كيف نضجت
وتتقسم وتتحط حصص مع الصوص وشوية ليمون
واخيرا وليس اخرا "الحمييييص"
وهو عبارة عن سلطة فلفل وطماطم مشوية على الجمر مع زيت خل وملح وفلفل اسود…
هايلة مع اللحم المشوي في العيد…
وممكن نضيفلها البادنجان المشوي
كان هدا كل مايخص اليوم الاول يا بناويت
العشا ماعملناش طبق لانه تبقى الاكل كثير والكل كان شبعان مش راغب في الراص
لانه من العادات يتعمل الراص اليوم الاول في الليل
واللحم مايتقطعش ..تبقى الجزرة اللي هي الخروف بعد السلخ متعلقة لثاني يوم العيد
اااااااااه يوم حاااافل بالفرحة والعمل والتعب
الحمد لله كثيييييييييييييييراااااااااااااا
قمت انا وزوجي عند الفجر صلينا ونزلنا تحت نقطع الدبيحة قبل مايقومو الولاد
ماكانش التقطيع احترافي اكيد …يعني مش مثال تتعلمو منه التقطيع
لان ماهو الا اجتهاد مني ومنه ونتاج خبرة 6 سنين زواج
لكن احسن ما يعمل زوجي طابوووووور عند الجزار ونبقى نستنا في اللحم يتقطع حتى العشية
المهم….
بدينا بالكتفين وتقطيعهم سهل …لو الواحد فقط يتتبع المفصل بالسكين
راح يحس انه اتنزع لوحده
وبنفس الطريقة الارجل الخلفية
ومن ثم يقسم الباقي طوليا وعرضيا كما في الصورة
فتكون نتيجة التقسيم مبدئيا كالاتي
حبيت نوريلكم هنا من جانب الصفاق الى العمود الفقري بالعرض
يمكن تقصيه شريط عريض معاه شوية لحم هبرة من جانب العود الفقري
وتحشيه اعشاب وثوم وتوابل وتلفيه
راح يكون طبق هايل
انا عملت اثنين
واحد طبخته ان شاء الله نوريلكم الكيفية
والثاني حفظته في المجمد للضيوف
شوفي كيف يتحشى ويتلف ..يعمل طبق جميييييل
نكمل تقطيع
بالنسبة للرقبة تتقطع عرضيا ..حوالي صباعين عرض
نعملو بيها كسكسي او شخشوخة …يمييييييي
وبالنسبة للاضلع …احب جزء ليا في كلللللللللللل الخروف
مانحبش نتبلها بماء البصل نحس انه نكهتها يطغى عليها البصل
انا عادة نعملها بالموتارد (الماستردة)
شوفو كيف قطعتها بالواحدة
اكيد مش كما اللي يقطعها الجزار لكنها جميلة
والبفتاك …اكيد من الرجل …قطعناه شرايح رقيقة ومن ثم ندقوه بحاجة ثقيلة
يطرى ويسرع عملية نضجه
يمكن ايضا نرحي منها شوية ونعمل كفتة او همبورجر ..الولاد يموتو عليه
بعد التقطيع…نحطو كل القطع في بلاستك غدائي
اللي راح نحتفظو بيه او اللي راح يتصدق به
والديل والاجزاء اللي فيها شحم واللي ماتصلحش كثير للاطباق
نقصها طوليا ونملحها جييييييييد جدا ونعلقها في مكان جااااااااف حتى تجف
ومن ثم ننحيها وتتحفظ في مكان جاف مدة طويييييييييلة
او حتى في الثلاجة
وهدا يسمى عندنا "القديد" ونحضرو بيه اطباق تقليدية لدييييييدة
اما القطع اللي راح تتعمل خلال هاد اليومين او راح تتبل وتتجمد تتحط في الثلاجة
الان يا صديقي يمكنك ان تشرف بيتي معززا مكرمااااااااااااااا
خلاص يا بنات كان هدا كل مايخص تقطيع الدبيحة
وندخل ان شاء الله للاطباق اللي حضرناها في هاد الايام المباركة
واللي كان نجمها بدون منااااااازع
لحم خروف العيييييييييييييييييد 
لكن قبل مانشوف الاطباق اللي عملنا…
حبيت نوريلكم كيف عملنا مع الكرشة والمصارن واللواحق المتبقية
عملناها "عصبانة" وهي اكلة مشهورة عندنا تعتمد على الكرشة محشية ويتعمل كسكسي عليها
لديييييييييييييييييييييييد
اول حاجة نغلي المصارن ولواحقهم وننقطعهم رقييييق ونتبلهم
بصل وثوم وطماطم طازجة ومعجون طماطم وتوابل وملح وفلفل اسود
ومعدنوس ودبشة (البقدونس والكسبرة الخضراء)
ونعمل الكرشة اجياب ونحشي بيها الخليط
واللي تبقى من الكرشة نقطعه مع الخليط
نخيط الكرشة بحيث نحصل على وحدات نجمدها وكل ما نحب نعمل كسكسي بالعصبانة ناخد منها
مش راح نعملها في العيد
لان كسكسي ثاني عيد عندنا لااااازم يكون من الكتف الايمن
يتعمل صوص بيضاء بالبصل والثوم والتوابل والخضروات والحمص ويتحمربعدها
ويتسقى الكسكسي بمرقته مع الكتف المحمر
يا يماااااااااااااا على كسكسي العييييييييييييييييد
خلاص خلصنا الغدا
غسلنا المرواعين
جه العشا 
والواحد مش قادر يرفع نفسه من التعب والبرررررررررد
لكن ماباليد حيلة
حضرنا اسياخ الشواء وحطينا فيها اللحم المتقطع
وعملنا دواير كفتة متتبلة بالبصل والملح للولاد
وكان شواء جميييييييل في الليل
شوفو كيف عملنا للولاد همبورجر جمييييييل وصحي بخبز الدار والطماطم والمايونيز
وكان لديييد بالفعل
ولما نضج اللحم حطيناه مع خبز الدار والحميص والسلطة الخضراء
وانتهى اليووووووووووووووووووم الثاني من ايام العييييييييييييييد
وغداااااااااااااااا يوم جديييييييييييييييييد
وكان نجم الغدا والعشاء زي ماقلنا لحم خروف العيد
فعملت للغدا
بطاطس بوريه (purée) بالبفتاك
اضلع بالموتارد (الماستردة) والفلفل الاسود الخشن
كسرة الخميرة او المطلوع وهادي هي الرغيف المنزلي في بلادي
كما خبز الدار..لكن الفرق
انها بدون زيت وتتخبز في الطاجين المخصص لها مش في الفرن
هادي صورتها على الطاجين
قليت البفتاك مع شوية زيت
ولمى اخد اللون البني مرقته بشوية ماء وملح وفلفل اسود وسنة ثوم
خليته حتى تبخر الماء كله وحطيت رشة ليمون تكشط الجمال اللي في قعر الطنجرة
وطفيت
كان طري ولديد
وعملت معاه بطاطا رحتها مع شوية زبدة وحليب
ماكانش عندي وقت نعملها بالالة اليدوية كانت تكون احلى
شوفو الطبق
كان هايل بالفعل 
This image has been resized. Click this bar to view the full image. The original image is sized 717×476.
اما الاضلع ..حبيبات قلبي
فدهنتهم موتارد ورحيت فلفل اسود خشن طاازج خصيصا لهم
راح يعمل دوق وقرمشة …مانقوللكمش
ولما حطيتهم في المقلاة تبلتهم من الوجه الثاني
يعني يا بنات طعم ولا احلى
قرمشة رائعة من برا واللحم طري من داخل
مش ناشف
والموتارد اعطت لهم طعم هاديييييييي
مش طعم قوي يغير دوق اللحم في حد داته
شفتو الروعة
انا هدا اكثر جزء في الخروف نحب نستمتع بيه
ولما ناكله نتمنى ان يسكت زوجيواولادي عن الكلام
او يختفو شوية لحين نكمل ضلوووووووعي
وهادي صورة جماعية للغدا مع ابو الولاد ربي يحفظهولي
تشييييييييييييز
فكان في الثلاجة باقي المخ والكلاوي والبتاعات :icon_lol:
وكما تعرفو …مالازمش يطولو كثير
بعد مانظفتهم ونحيت الطبقة اللي مغلفاهم
…قليت الكلاوي واللي معاهم عادي في زيت
تبلناهم ملح فقطططططططططط
وكان جميل الطبق والله
في مايخص اللحم
انا عندي فلسفة مالا يجب ان نضيف الى اللحم
مش مايجب ان نضيف الى اللحم
لانه نكهته جميلة فيبقا حابب حاجة هادية تعزز النكهة مش تلغيها
او تطغي عليها بنكهة اقوى
فالواحدة لازم تختار توابلها واضافاتها بعناية
المهم…
المخ غليته شوية
ونحيته حطيت عليه بيضة وسنة ثوم وفلفل اسود وملح
وشوية معدنوس
وعملته بوراك صغير مثلثات وقليته
كما السمبوسة في المشرق العربي
او الجلاش
يعني بدون مبالغة …صدقوني
كان بالفعل تحححححححححفة من تحف المطبخ
والكل كان حابب الزيادة
لكن للاسف….
مخ الخروف على قده
الطبق الرئيسي كان لحمة هبرة متقطعة مع صوص حمرا
قليت قطع لحم من الرجل وقليتها واصفت ليها طماطم وسنة ثوم وفلفل اسود وملح
وشوية اكليل الجبل وورقة غار
قفلت عليهم طنجرة الضغط ونضجو على نار هااااااااادية
كانت النتيجة هايلة
خلصنا عشاء ثالث عيد
ومعداتنا لسان حالها يقول
ارحمووووووووووووووووووووووني
ومستحيل يفوت العيد من دون ما تسقي مرقة لحم الخروف "الشخشوخة"
الشخشوخة هي عجينة تتخبز مورقة
عجينة سميد وملح وماء وتتعجن جيييييييييد جدا
وتتخبز على طاجين الحديد
ورقة فوق ورقة كما في الصورة
ونفتتها بهاد الشكل
ونسقيها بمرقة او صوص حمرا معمولة بطماطم ومعجون طماطم وبصل وثوم
وملح وفلفل اسود وبهارات وشوية زيت مع لحم الخروف طبعا والحمص
يتقلو ونمرق بالماء حتى نص النضج نضيف الخضروات
ونخليها حتى النضج الكامل او حتى تتسبك
ونرمي فيها قرنين فلفل نطفي ونقفل عليها الطنجرة
شوية وننحيها ونسقي بيها الشخشوخة
ويا سلام على الدوق الراااااااائع
كثير يحب يعمل فوق الصحن رشة دهان "سمن بلدي"
هاد الطبق اشهر اكلة عندنا بعد الكسكسي
تشبه الى حد ما الفتة في المشرق العربي
كمرافق للملفوف اللي حشيته اعشاب من قبل
ولفيناه بهاد الشكل
وربطته بخيط وقليته مع بصل وثوم وورقة غار وفلفل اسود
ولما تقلى مرقت بالماء وقفلت طنجرة الضغط حوالي ساعة على نار هادية
لما فتحتها لقيت صوص لونها جميل لكن حبتها اثقل شوية اضفت شوية زبدة ودقيق
فكان شكلها كما في الصورة
قليت معاها شوية بطاطس
كان لديد وصحي بالخضر
وجميل
الصوص رااااااااااااائعة بالفعل