كسرة لمبسس من مطبخي 2024.

السلام عليكم وررحمة الله تعالى وبركاته
من مطبخي كسرة لمبسس
وهي نوع من انواع الكسرى تجي حلوة وتتشرب مع قهوة حليب او اللبن
وطيب على طاجين لحديد

المقادير
2 كيلات سميد متوسط ، 3 فناجل زيت ، ملح ، 4 مغارف كبار سكر معمرين
1 خميرة كيميائية ، وماء للعجن تقريبا ( كاس ونص حسب نوعية السميد)

نحطو السميد في قصعة مع الملح السكر لخميرة
وفي الوسط الزيت

نخلطوهم ونفركو براحة اليد حتى تدخل الزيت في السميد ويتبسس مليح

من بعد نزيدو الماء بالشوي ونعجنو حتى تتلم
نقسموها على زوج وماتحتاجش ترتاح

نحلو وحدة بشكل دائري

ونقطعوها اشكال كيما حبينا ( في العادة يتقطع ودي لزونج معينات)

ونحطوهم يطيبو على طاجين الحديد الي نسموه لمرا
ويكون مدهون بشوي زيت

نبقو نحركو فيهم باش مايتحرقوش
ونقلبوهم على الجيهتين

ويقدمو وهم باردين مع قهوة حليب مايتشبعوش

ان شاء الله تعجبكم الوصفة
ماتنسونيش من دعوة خير

[align=center][/align]

[frame="1 98"]
بارك الله فيك ختي مون حنا نديروها بصح نسميوها المثقبة عندك اللحق جي بنينة سورتو في زمان الشتا شحال نحبها بالقهوة نتاع العشية يعطيك الصحة
[/frame]

دائما مبدعة مون
تسلم الايادي

[glow=ff00cc]
الله يعطيك الصحة وفكرة أشكال روعة حنا نديروها مربعة اومستطيلة شكرا على فكرة الطابع هايلة وخاصة للأطفال تفرح
[/glow]

[frame="1 98"]
السلام عليكم ورحمة الله وبركاته
فكرة الاشكال جديدة مشكورة وبارك الله فيك اختي
[/frame]

جاتك هائلة شكرا لك

حنا ايضا نسموها لمتقبة بصح نقطعوها مربعات او معينات .وبارك الله فيك على فكرة الطوابع خرجتلك هايلة يعطيك الصحة..