العجينة: 3 كيلات فرينة+رشة ملح+ فاني+مغرف اكل سكر قلاسي +قطعة زبدة طرية حكيها فلعجينة+كيلة سمن ذايب وحكي السمن مليح فلعجينة ولميها بالماء والماءزهر حتى تولي عجينة طرية مثل عجينة التشاراك غطيها وخليها ترتاح من10الى15د.
الحشوة: 2كيلات لوز مرحي+ كيلةجوز مرحي+كيلة سكر+فاني وتلمي بالماءزهر.
تقدري ديري لوز وحدو او كوكاو.حسب الموجود والمستطاع.
لقلاساج: باطة سكر قلاسي من النوعية الجيدة المرجان او نونورس تغربليه+ بياض بيضة+عصير نصف حبة ليمون+ فاني وخلطي ولي اطلقيه بالماء زهر وتحبي لما حتى يولي قلاساج ماهو ثقيل ماهو خفيف باش تعرفي الكثافة المطلوبة دائما جربي الحبة الاولى اذا ساح زيدي سكر ولونيه بقليل من الملون الاصفر يكون اللون خفيف مشي قاتم.
التحضير:بعد ما ترتاح العجينة حليها واطبعي دوائر وديري في وسطهم الحشوة
واغلقي على شكل هلال كيما نديرو تشاراك
مبعد اقسمي هذاك الهلال الى2
تتحصلي على شكل قرون حطيهم في صينية الفرن
دخليهم يطيبوا في فرن 180درجة حتى تشوفيهم صفارو ملفوق وحمارةو من الجهة السفلى
ثم خرجيهم من الفرن وخليهم يبردوا
مبعد اطليهم بالقلاساج لحضرناه سابقا
مبعد خليهم ينشفوا لما ينشف لقلاساج
جيبي البريون او الملمع الغذائي ليجي على شكل بودرة وجيبي ريشة خاضة بيه او اسفنجة
وامسحي الملمع على حبة الحلوة
ثم تنحي جزء ملقلاساج وتلونيه بالكاكاو وديريه في كيس فارغ وتزوقي حبات القاطو بالشكل لتحبيه وتلسقي نصف جوزة
وكاين فلاسواق وحد الملمع سائل تزوقي بيه اي قاطو وكاين في كل الالوان
وتخليه ينشف وتقدميه فلكيسات
