القرنون المحشي من اشهى الماكولات
غير ان البعض من النساء تخاف او تشتكي الاخفاق في تحضيره
وحبيت نقدم لكن طريقتي في تحضيره
1/
اولا القرنون لازم يتنقى ويغسل بالطريقة المعتادة والمعروفة
(الماء+الليمون)لانه يتاكسد بسرعة ويصبح مسود
نشكله كؤوس ونفوره مليح حتان يطيب حوالي 80بالمئة
بصح يبقى حاكم روحه
حتى ماياخد وقت كبير من بعد وفي نفس الوقت يبقى محافظ على شكله
2/
في حين نحضر صوص بيضاء
زيت+بصلة مفرومة+ثوم مفروم+معدنوس مقطع رقيق+شوية لحم مفروم للبنة +ملح وفلفل اسود
يتقلى الكل مليح ومن بعد نضيف زيتون مقطع شرائح ومغلى و نمرق حوالي 3-4 كؤوس ماء ساخن ونتركه يطيب على جنب.
3/
المرحلة التالية هي عملية حشو القرنون
انا اخترت اللحم المفروم وكاين الي يدير البطاطا وكاين الي يخلط الاثنين
المهم
اللحم المفروم نحط له نفس مكونات الصوص
بصل مفروم+ثوم مفروم+ملح+فلفل اسود+معدنوس +صفار بيضةونعجنه مليح
من بعد ندهن قاع الكؤوس ببياض البيضة ونحط الحشو تاعي ونشكله
كما في الصورة
4/
من بعد نحطه في الفرينة ثم نقليه في شوية زيت من جهة الحشو فقط حتى يحكم روحه مليح وتضيف له تقلية اللحم بنة
حتان نكمل الكمية نتاعي
نصففه في مول تع الفرن
5/
نصب له الصوص
والمعدنوس من فوق
والى الفرن
نخليه يعقد المرق تاعي ويكمل طيابه مليح
وشهية طيبة
يعطيك الصحة حبيبت نحبو بزاف
انا الاولى نذوق
بارك الله فيك اختي يشهييييييي
تسلمن
نموت ع القرنيع
باين بنين
ريوق راهم يسيلو
الله يحفظك لمولا دارك و لولادك
يعطيك الف عافية
نبداو بسم الله
