هاذ الايامات راني 
هذا قاطو هايل وساهل ما يطيبش نتمنى يعجبكم
اولا نحتاج عجينة التزيين وطابع المعمول
المقادير/ كيلة شامية *حلوة الترك*+2 كيلات كاوكاو محمص ومرحي متوسط +3كيلات بيمو مرحي +3 مغارف كاكاو + 4 مغارف سكر ارطب
+2 مغارف زبدة طرية ثم نكمل نلم بماء الزهر حتى تولي عجين
لزينة/ عجينة التزيين + ملون ابيض + كاكاو + ملمع
والباقي بالصور
نضيف للعجينة البيضاء ملون ابيض
والعجينة البنية نتحصل عليها بالكاكاو
نحل قطعة من العجينة البنية فوق قلاصي ونحط حربوش من العجينة البيضاء ونلوي نتحصل على حربوش
نقطع الحربوش على شكل مقروضات صغار
نحل العجينة البيضاء ونحط فوقها المقروضات بالطريقة لي في الصورة
ونحط قلاصي من فوق ونحل بالحلال
نتحصل على هذا الشكل
نقطع دائرة بواسطة طابع دائري
ونحط كورة من الحشو وسط الدائرة تاع عجينة التزيين ونحطها في مول المعمول ونضغط عليها شوي
وبواسطة بانسو نمسح عل كل حبة باللماع ونتحصل على هدا الشكل
انا عجبني ياسر هاد القاطو
شفتوا في عرس
و حابة نخدموا وجدت لو حوايجوا الكل
لكن حابة نفهم كي قسم تي العجينة
البنية ايضا هي عجينة التزيين
انا حابة ندري عجينة اللوز وحدي نظن تكون أحسن
يهبل يعطيك الصحه
وصح سحوركم
سلام
