كيفكم ياحلواااات ياعضوات المنتدى الرااائع
توححححححححححححححشتكم بزاااف بزااااف
المهم منطولش عليكم
كنت من قبل حطيتلكم وصفة المخبز
واليوم جبتلكم تعديل بسيط فيها
لي عندها مشكل مع المخبز والقلاصاج تدخل
ماعليكم سوى تشربو المخبز بشاربات خفيييفة نكون باردة وهو سخووون هاذي الخطوة تخليه يجيكم طري وماييبسش
عسلووه مليح مليح ومن بعد خلوه ينشف وديرولو القلاصاج
وهاذي طريقة اخرى للقلاصاج درتها العيد لي فات وجاتني واااو
نبداو بالمقادير:
تحتاجي 2 بياض بيض ويكون جديد
كأس شاربات عبارة عن كأس ماء +كأس ونصف سكر على النار مدة 10 دقائق
نصف علبة فوندون جاهزة
شوية سكر ناعم
وشوية زيت
نروحو للطريقة:
اضربي البيض مع رشة ملح بالباتور مليييح حتى يطلع كالثلج
من بعد جيبي الشاربات وتكون سخوونة بزااف وابداي اسكبيها غير بالشوي والباتور يمشي حتى تخلاص الشاربات كامل
وابقاي خلطي حتى تحسي البياض برد بويسك الشاربات تسخنو وتعقمو
الخطوة التالية ضيفيلو سكر ناعم حوالي فنجان(انا محسبتهمش بالضبط)
طفي الباتور(انا نخدم بالعجانة)
ذوبي الفوندون في حمام مائي مع شوية ماء متكثريش وضيفيه للقلاصاج وحركي بسرعة قبل ماينشف الفوندون وييبس
وهكدا القلاصاج راهو واجد
زيديلو 2 مغارف كبار زيت للمعان والطراوة
صدقوني كي تضيفو الفوندون يبقى القلاصاج طري لمدة طويلة وماييبسش
المهم ان شاء الله تجربوه وتدعولي
مهما ندير سكر يبقى لي خفيف وما يثقالش
الله المستعان
أم حسني جربي هاد الطريقة ورح ينجح على ضمانتي بإذن الله
يعطيك الصحة انا نتبع بزاف وصفاتك و علابالي بلي ناجحة و وصفة المخبز الأولى سييتها و جاتني هايلة و ان شاء الله نزيد نسيي هدا بارك الله فيك
وفيـــــــــكِ بارك الله