طيبتلكم اليوم غراتان بالبطاطا وباذنجان بلاصوص تومات ولحم مرحي والبيشامال وفرماج مرحي وبطبيعة الحال جات بنينة حوحو يشكر روحو
امممممممم تبان بنينة يعطيك الصحة لو تكرمتي ضعي لنا الوصفة وشكرا
خرجتلك هايلة من فضلك الوصفة
ماشاء الله بصحتكم
هيا الفحلة هاتي الوصفة مقاديرها كاينين غير نطبقوها برك
اممممممممممم باينة بنينة
الله يبارك
الله يبارك
machaa ellah chakl raai3 ya3tik elssaha elwasfa min fadlik الوصفة ساهلة ماهلة انا حمست اللحم المرحي في الزيت مع الثوم والرند والسر في عرف صغير نتاع الكليل ومبعد زدت الطماطم مرحية وشوي فلفل اكحل وكسبر مرحي ملح وخليتهم يتقلاو على نار قليلة ومبعد قطعت البطاطا والبذنجان مربعات وقليتهم وكي طابت لاصوص لحت فيها البطاطا والبذنجان وخلطتهم مع بعض وخليته ومبعد خدمت البيشامال انا نديرو بالزيت كي عدت ريجيم زعما وفرغت الخليط في المول وصبيت عليه البيشامال ودرتو في الفور كي طاب طفيت الفور ودرت الفورماج على لغراتان وعودت رجعتها للفور قيس ما يذوب الفرماج برك وشهية طيبة ههههههههههه
نجربو و نحطلك الصور ان شاء الله
مشكوووووووورة حبيبتي
يعطيك الصحة روعة
