خياتي,
عندي ضياف شباب غدا باذن الله للغداء عرضهم ابي و هم في فترة الخدمة العسكرية معناها لازم نقلَشهم هههه
وش رايكم وش نديرلهم حاجة يبغوها الشبيبة ههه؟؟ 
عاونوني بالافكار ولا باليدين 
و شكرا
نوريك كيما ندير لضيافي كي نحي نقلش هههه
- ديري شربة فريك معمرة لحم تع الله الله
- ديري مثوم بطراف تع لحم يكونو كبار معمرين مع لفريت
- ديري سلاد اردافر مشبحة قا كيفاش دايرة بانواعها
- ديري بوراك تع السكالوب ولحم مرحي معمرين فرماج
- ديريلهم حميس بانواعو
- وختميها بلضلعة مشوية في الفورولا رجلا تع غنم كومبلي ولا ليكوت يمي ولا كيما انتوما في لغواط ديرو لحم بونارين بالشومبينيون يا عمري وشحال بنين
- يكون عشا وعليه لكلام خلاف ديسير ولحوايج لخرا
بشوي على الجيب.. لحم في لحم ههه
يعطيك الصحة هو صح تقلاش لكن بسيط ههه الضلعة المحمرة نخليها للعيد ان شاء الله ههه
شكراااااااا على الافكار ربي يخليك ..جارتي
وزيتون لالحم والكغتة
وبرقوق ديسير اي بلا لحم
وسلاطة مزوقة الله الله
وفاكهة بزاااااف تفضلي انا وش درت راجلي https://www.dzhawaa.com/vb/dzhawaa51752/
شوفي ديري حاجة خفيفة وشابة
1_شربة فريك بلحم الغنمي ولحم مرحي بيان سوغ
2_طاجين الزيتون بفخاد الجاج
3ماسيدوان
وكمليها بسلاطة فلفل مشوي
وما تنسايش الفواكه والعصير
وكي يخلصو لفطور طيبيلهم قهوة تكون بيافور
ايه حقا نسيت انا نحب كي يجو ضياف نديرلهم المطلوع ولا الكسرة وهادو مسكن جايين من لارمي يعني راهم كارهين الخبز
وربي يعاونك
تحياتي
نوعتولي المايدة
شكرا على المساعدة
مواا
وكيما نقولو الطعام همة ولوكان بالما
وشباب كيما هادو راهم شابعين مراقي وخبز ونظن الطعام ماياكلوهش بزاف وما يجيش كيما طياب وحدة فحلة كيفك
خممت في الطعام كيما قلتي همة لكن امي قاتلي اخطيك علاخاطرش واحد منهم من العاصمة نعرفوه قريبب نسابنا ما يحب طعام الاغواط مرقة حمرا و بالمريسة ( تمر) و واحد منهم من ورقلة ثاني نعرفوه ما يحب المرقة البيضا هههه تحطينا بيناتهم
علابيها قلنا اكل بين بين يبغوه قاع..
شكرا