عندما تشعر بانك اخطئت الاختيار 2024.

السلام عليكم

والله يا اخواتي انا عيت وقلبي اتعمر ولقيتش لمن نحكى وينصحن على خاطرش انا منيش عرف ادا راني غلط

مشكلتي هي انو انا تخطبت الشاب على طريقة التقليدية يعني عن طريق الاهل ومنكدبش عليكم حبيتو في وقت اقصير ولا هو كلش في حياتي حتى وين بدلت كل حاجة فيا كيما هو ايحب حتى انا حسيت بلي هو تني ايحبني مي بصحدرك وليت انحس بلي ميحبنيش كما انا انحبو ملي اعقدت انا وياه على خطرش حسيتو اتبدل مولاش يهدر امعاي كيما في الاول ودايما يتسببلي بالخدمة والعرس ولازم يماه هي الي تقرر كلش دير هك وامديرش هكا يعني اي حاجة انقول انديروها ايقةلي هوايه ومنبعد يقولي يما مبغاتش مكاش كيفا انديرها وانا كرهت من هدي المقولى وانا معلبليش ادا صح يماه راهي اتقولو هكا ولا هو راه دايره سبة ودرك صح راني خايفة منو ومن دارهم
اسمحولي طولت عليكم

أختي هذا هو الزواج قسمة و نصيب، و لو كان الوحدة تعرف واش كاين قبل ما تضر روحها، اصبري حتى تبان الحالة إذا يماه ولا هو داير هاك و إذا يحبك ولا لا، و مبعد احكمي و قرري….استخيري
ربي يكون في عونك

السلام عليكم و رحمة الله تعالى و بركاته
أختي أنا نظن ماكاش واحد يخطب وحدة و يعقد عليها و ما يحبهاش سيي تسحبي منو لكلام كي تحكي معاه قوليلو احكيلي على داركم يماه خواتاتو يعني على عقليتهم باش تعرفي تتعاملي معاهم و ما يكونوش مشاكل و منها راكي تعرفي ادا صح هو داير هكدا و لا يماه هي صح اللي تمنعو و ثان قوليلو يحكيلك هو على عقليتو كيفاش يخمم هدا من حقك باش تعرفي معامن راك رايحة تكملي حياتك و الله أعلم………… و ربي يهنيك