عاونوني بليييييز يا خبيرات 2024.

مساء الياسمين على حواء الجزائر
انا جديدة بينكن وكذلك قريب ان شاء الله نروح عروسة
وراني حاصلة تاع الصح فيما يخص الماكياج وخصووووصا الكوسميتيك الاخر مثل الكريمات والشومبوانات وووو
وخايفة ندخل للمحل تتلفلي ونضيع مع العلم ميزانيتي محدودة يعني مليون وفوقو خمس مائة الف حق العين هههه
لذلك لجات اليكن حبيباتي تساعدوني بقائمة مفصلة عن مايلزمني نشريه وياريت بجانب كل مستحضر صورتو وتكون متوفرة في الجزائر بالمناسبة انا من الغرب

ولا وحدة تريد مساعدتي للاسف شكرا على كل حال

متزعفيش اختي حواء الجزائر كريمات جدا و ضرك يعاونوك انا عن نفسي مانيش مزوجة بصح اذا تحبي نفيدك بشوية من واش دات اختي سلام.

ماعليه نستنو وخلاص
طبعا اختي مادابيا تساعديني وشكرا لاهتمامك

شوفي اختي حنا عندنا كاين واحد الكوسميتيك يبيع باسعار معقولة جدا يعني يساعد بزاف من حيث الميزانية يعني نتي تاني اشري من عند قروسيست باش مايجوكش بزاف غاليين اصبري عليا شوية نحمل الصور و نوريلك ان شاء الله نفيدك .

وهو كذلك اختي كارولينا راني نستنى فيك غير انت اللي شفيتك
ممكن تقوليلي انت منين

السلام عليكم اختي انشاء الله كلش مبروك والله يتمم بخير اختي بالنسبة للشامبو الى ليراكي تغسلي بيه مليح متبدليهش فقط ادا رايحة تحطي صبغة جيبي خاص بالشعر المصبوغ انا استعمل غليس وبالنسبة للمكياج الاخت صارة راهي عاملة دورة تعلم فيها المكياج هناك تاخدي فكرة على لوازم المكياج واشري الحاجة لتعرفي تستعمليها انا افل منتوجات اوريال وخاصتا المسكرا رائعة والكريمة على حسب نوع البشرة نصيحتي متخلطيش في وجهك بزاف ودك نجيبلك صور واش لازم تشري

وعليكم السلام ورحمة الله
يويويويوي واخيرا جاوبتوني هههه
الله يبارك فيك حبيبتي
شكرا ليك اختي نجاة على نصائحك انا شعري دهني اي يتزيت ورايحة نديرلو لي ماش وهو طويييييييييل
وبشرتي ايضا دهنية وعمري ما درتلها حاجة يعني مازال ماجربت والو

شوفي ختي بالنسبة لمزيل المكياج هذا احسن ماركة و الوردي كريم العناية بالجسم و بعدو نروحو للمكياج و لي هو من ماركة l’oréal متكثريش اشري غير حاجة حاجة