و الله بعد ربي سيحانو راني نلجأ ليكم يا الغاليات و ان شاء الله ما تخيبونيش
المهم ندخل في الموضوع انا الحمد لله رب العالمين انخطبت لحبيب قلبي قبل رمضان و الفيونساي (الخطبة) بعد العيد ب 20 يوم ان شاء الله
الحمد لله
و ان شاء الله حابة نبدا في التجهيز بعد رمضان و راني حاااااااااااااااااااااايرة منين نبدا عرسي السنة القادمة بعد رمضان ان شاء الله مي على خاطر انا نقرا و عندي العام الجاي ميموار الوغ لازمني ندير صوالحي في الوسع باه مل ننزربش ياعدوني يا الفحلات ربي يحفظكم شورو عليا
علما انو : الفراش راجلي يديره و هو تاني يجيبلي الكراكو بالجبة
و انا ماما تديرلي كاراكو بالسروال كيما انتاع العاصميات
اعطوني يا العاصميات الفحلات مودال شباب شفت البارح واحدة في قنات اطلس لابسة واحد يهبل هباااال في الابيض و عندو الكول يغوي
و خاصة خاااااااااااااااااااااااصة بنات تلمسان قولولي البلايس اللي نجهز منهم و اجركم على المولى
و ندعيييييييييييييييييلكم كامل شكرا احبكم في الله
م
ا تتقلقيش بزاف كلشي يسلك ان شاء الله
من رايي الصوالح الكبار كيما القفطان تع الشدة شريه واجد ادا ما داروهلكش لانك مادام تقراي راح ياخدلك وقت
شوفي انا ساومته فوحد الحانوت انا و الوالدة يهبببببببببببببببببلب 13 مليون واجد و كاراكو بين 7و8 ملاين
هههههههههههههههههه تشلفيط
هاد الحانوت من جوايح البلاص وRue de paris
ايه الكتان تع البلايز كاين فباب الجياد هانوت هبال ساومت عندو وحدة و داتلي العقل ب 3ملاين و نص
المهم اي استفسار راني فاضية شغل ههههههههههههههههه و نعاونك باللي نعرفه
اه انا تاني من تلمسان ادا ممكن انت مننين بالتحديد?
شكرااااااااااا
البلايز عندي واحدة في الموف و خصني نزيد واحدة ولا زوج ان شاء الله
انا من ندرومة و نقرا في تلمسان العام الجاي ندي الماستر باذن الله ادعيلي يا اختي و انتيا منين و واش تديي في حياتك؟ مخطوبة؟
و زيد حابة ندير كاراكو كيما هادوك اللي يجو بالكتان و معمرين و يجو بالسروال العربي
قوليلي على الكوافيرات اللي ملاح و يديروا ليستيتيك و يخمو مليح و بون بري هههه bon prix و زيد قوليلي فين نروح نشري الحوايج الرقاق راكي فاهمة و الكاراكو البلايس اللي ملاح انا شفت غي فالبلاد و اسمحيلي كثرت عليك قوليلي على الخياطات و ربي يفرحك و يرزقك كل ما تتمني يا الحبيبة شكرا
