السلام عليكم الله يخليكم ساعدوني ولا قولولي واشنو هذا الي عندها فكره انا حامل في بداية الثالث من يومين لاحظت ظهور بقع حمراء صغيرة وكثيره في وجهي يشبهو les taches de rousseurs ما عرفتش وشنو هذا ياريت نوروني مابيد رحت عند الطبيبة
ماعندي حتى فكرة الخير ان شاء الله يفيدوك الاخوات
حبيتبي ياسمين ماتخافيش راهي نقاط عادية خاصة اذا كنتي" اكرمك الله " تتقياي بزاف كيما حالتي رانا كيف كيف انا ببنتي الاولى ظهرت لي هذي النقاط خاصة في المنطقة قرب العين والان ايضا راهي في وجهي ولاحضت انها تظهر لي في الايام لي نتقيا فيها بزاف " اكرمكن الله " وزيدي اتاكدي كي تروحي للطبيبة ان شاء الله خير
سلام مريم واش راكي صح عندك الحق كلما نتقيا اكرمكي الله تبان في وجهي قريت في النت وعرفت بلي من التقيا بصح قلت نتأكد مع بنات بلادي أحسن شكرا حبيبتي طمنتيني يعني ما يحتاجش روح عند الطبيبه والله راني نعاني راني قاعده غير في الدار كرهت حياتي كامل تبدلت
شكرا ام ميدو وشكر asmaa
متتقلقيش حببتي ياسمين عادي هذي من الوحام وتغير الهرمونات في الجسم انت فقط حافظي على نوعيةالاكل لي تكليه مثلا ابتعدي على الماكولات لي فيها زيوت كذلك السكريات ركزي على الخضروات والفواكه وشرب الماء وانشاءالله مايكون غير الخير حببتي
شكرا حبيبتي بصح المشكلة مانقدرش ناكل اي حاجه وزيد هذو يومين كلما نشرب الماء حشاك نتقيا وزيد راني ناكل مره في اليوم بسيف وكي نجوع ثاني ننضر واش ندير
شوفي حببتي انا نقولك واش تاكلي على الريق معليش كتنوضي في الصباح اول حاجة تكليها هي بسكوت تع السكنجبيبر منعرف الا ينباع عندكم ولا لا هذا البسكوت يخليك مترديش حشاك وتاني تعودي تاكلي عادي
وين راني كاين هذا بسكويت وقريت عليه بصح مازال ماجربتوش جربت برك مره مشروب الزنجبيل ومنبعد كرهت لخاطرش انا وحدي ماكان حتى واحد يوجدلك وراجلي يكون خرج ديجا بصح راني رايحه نحاول ناكل هذا بسكويت بلاك يريحني شكرا حبيبتي هبلتك معايا