عاجل جدا لاصحاب الخبرة 2024.

السلام عليكم
اخواتي والله ما لقيت حتى حل لمشكلتي مع ولدي جربت كل الطرق اللي نعرفها منجحتش ابدا
ولدي عمرو عام و شهرين من 4 ايام وفي فمو طياب ولسانو فيه حبوب بيضاء تبان ساعات صفراء وراه الريق حاشاكم داير بيه حالة قشو نبدلو 4 خطرات نصيب كأنه صب على روحو الماء حتان مرض صدرو من تشماخ مع اني نبدل
اضافة الى انو ماياكل والو غير حليب لانه الالم تاع الفم تاعو يخليه ميقدرش ياكل
ويبات الليل كامل يصيح يرقد شوي وينوض يبكي من الالم
عارفة هذاك الدوا التشيني تاع الطياب الفم بصح عييت نلقاه لانه مكانش يجيبوه غير من تونس
يا ريت كل واحدة تعرف حاجة فعالة لهذي الحالة تقلي عليها واجرها على الله
راني جربت الكاربونات الزيت الزيتون العسل القارص كلهم والو مفادوش

كاش حاجة اخرى
وشكرا ليكم

أختي حبيت نساعدك لكني ما عنديش خبرة
حبيت برك نسلم عليك و ندعي لوليدك ربي يشافيه إن شاء الله عاجلا غير آجل
و الله المرض نتاع لولاد الصغار صعيب بزاف تقولي غير نمرض انا و ما يمرضوش هوما
ربي يشافيه و تقبلي مروري

الله يسلم عمرك ومن حولك يا اختي
وصح انا ما نرقد لا ليل لا نهار من مرض ولدي حرت وش ندير معاه
ربي يخليك

السلام عليكم ربي معاك اختي ويشافيه لك ويعافيه جربي اختي البيركاربونات دوبيهم في الماء وادهني بها فمه بالقطن

ربي يجب الشفاء ان شاء الله

سلام
اختي مريم شكرا راني اول حاجة درتها الكربونات لاني متعودة نديرها لاولادي بصح هذي المرة مسكين مصلح معاه والو وهذا مش شوبينيون تاع الفم يبانو لالا لانه مش ابيض او قشور هذا شغل حبوب صفرا ومبعد مع السخانة يولي لونهم احمر
جربت اليوم اوراق الزيتون غليتها وشربتها لو شوي ان شاء الله ربي يجيب الخير
وشكرا لكن

الدواء اللي تقصديه اسموfungizone لونو تشيني مليح بزاف لالتهاب الفم حنا هنا عندنا ربي يشفيه اختي ديريلو زيت الزيتون مليح

هيه اختي هذا هو الدوا وعندي غير القرعة فارغة ههههههههههههه الله غالب عييت نحوس ملقيتوش نحوس على بديل ليه مليح لانه الفارماسي قال لنا ماكان حتى دوا غير هذا لالتهاب الفم
شكرا

لوكان جات تصلح والله غير نبعثهولك ماشي خسارة ربي يشفيه

ربييييييييييييييييييي يحفظك أختي والله كأنه وصل عندي
شكرا لكريم ردك
دعواتك أختي