طهارة وليدي 2024.

السلام عليكم اخواتي فيالله حبيتكم ادبرو علي راني انشاءالله رايحة نطهر وليدي في العطلة وعلابالكم يا ربي نبدى نحضر حبيت تدبيرة كل واحدة منكم كل واحدة تعرف حاجة جديدة تقولي عليها سواء القاطو او العلب تاعو تشراب القهوة التقديم وححتى طرق تقديم الحنة وتاويلها المهم كل مايتعلق بالطهور راني حابة حاجة مليحة وعلابالي نلقاها غير عندكم شكرا مسبقا.

habibti doka f tehar hena men jiht tipaza ydiro fetor topppppp
wela ydiro f la salles kahwa avec dj chaabi ou hawzi m3a tesdira ta3 lwliyed pour l diner comm l dinner pr l mariage ou cirémonie bonne chance é belbaraka 3lih laakouba lezewajo nchallah

ساعود بافكار ان شااااء الله

حنا في الشرق نديرو قهوة بالحلويات التقليدية مقرود غريبية باقلاوة طمينة اللوز وتحبي تزيدي أنواع أخرى أنا في طهور بني درت حلوة الطربوش وحلوى أخرة بعجينة اللوز نديرو السماط المحلبي والفواكه والعصير و البريوش وكل واحد ومقدورو ونحطو السينية مانديروش العلب وأنا ضد التبدير درت لمة للأحباب وفقط بدون مصاريف زائدة ومبروك مسبقا

بالبراكة عليكم ختي و بشفى لوليدنا ان شاء الله
بالنسبة ليا انا زينت ولدي في رمضان اللي فات ليلة 27
درت لعائلتي و عائلة زوجي فطور شباب و قبل التقصيرة شعلنا شمعة و درناله الحنة و الزغاريت و غنية عبد الرحمن جلطي (ديرولو الحنة) هههههه
ومن بعد حطينا القهوة مع البسبوسة خدمتها في الدار بالاضافة الى الزلابية و السيقار
ربي يكون معاك ختي لانها اصعب مرحلة تفوت على الام
الف مبروك مرة تانية

حتى انا حابة حاجة عائلية الاعمام والاخوال برك لكن حابة حاجة مليحة شكرا اختي على شعورك والله غير عندك الحق الام قلبها يتقطع على وليدها كي يروح عند الطهار لكن حاجة لازمة نكبر قلبي برك والحمد لله على سلامة وليدك لعقوبة نفرحو بعرسهم انشاالله ونجاحهم قبل شكرا لردك.

شكرا لردك حبيبتي حتى انا من الشرق واحنا نقلو الطهور بالستر لكان تقدري اعطيني وصفة حلوة الطربوش تعيشي وشكرا مرة اخرى لاهتمامك.

راني نسنى يا لعزيزة ربي يعطيك واش تتمناي

يبارك فيك حبيبتي