صح رمضانكم و كل عام و نتوما بخير
راني نحوس على وصفة الحريرة اللي يديروها ناش الغرب وهران ولا مستغانم…..
كليتها مرة و عجبتني و معرفتش كيفاش خدموها و واش دارو فيها
ربي يحفظكم تحياتي
05حبات جزر متوسطة الحجم+حبة كابويا+كمشة حمص+كمشة فول يابس+حبة بطاطس صغيرة قزبر معدنوس وكرافس يمكن إضافة نعناع لفطور في الأخير و يمكن الإستغناء عنه
زيت و حبة بصل +طماطم متوسطة الحجم+شوية عدس و يمكن الإستغناء عنو
الطريقة
تنقى الخضر و تغسل مع الربيع( معدنوس ووو…….)
و نضعها في طنجرة الضغط ونسكب عليها الزيت و نضع اللحم قدر الإستطاعة أو دجاج
ونضيف الماء ونغلق الطنجرة ونخليها طيب
من بعد نطحنو الخضر
ونحضر التعطيرة التفاوح التكونة من( ملعقة صغيرة كروية+ملعقة صغيرة فلفل أحمر حلو+ملعقة صغيرة قرفة+نصف ملعقة سكين جبير+ملعقة صغيرة كمون+ملون غذائي+طماطم مصبرة ملعقتان كبيرتان) ونحن نسميوها التحريجة و ذلك تحطي المقادير حسب المقدار لي عندك نتاع لحريرة
نخلطها ونسكبها في الطنجرة نتركها تغلي عند الغليان تستطعين إضافة الشربة ويمكن الإستغناء عنها ثم نضيف العقدة المتكونة من ماء و فرينة يكون الخليط سائل وتسكبيه في الطنجرة وتخليها حتى تطهى مدة 10 دقائق و إذا حسيتي بلي الحريرة ماشي عاقدة زديها شوية عقدة وفي الأخير أضيفي شوية كمون يعطيك بنة هايلة لكن ما تكتريش باش ما تمرارش
أتمنى أن أكون قد أفدتك
رمضان كريم
لا تنسوني بصالح دعائكم عند الإفطار و في الثلث الأخير من الليل
04 حبات جزر + 2 حبات بصل متوسطين + 03 حبات طماطم + كمشة حمص + ربطة قصبر+ قطع دجاج+ التوابل( راس الحانوت+فلفل اسود+شوية كروية+ شوية زنجبيل مطحون+ زعفران) + الزيت + ملعقة طماطم مصبرة و ديري الماء حتى يتغطاو و خليهم يطيبو و من بعد رحي الخضرا مع بعض في رحاية اليدوية و و من بعد نحي قيس الفطور و خليه يغلي و زيديله الحار ادا تبغيه و شوية كروية و شوية فرينة دايبة في الماء كي تشوفي الحيرة تاعك بدات تعقاد حبسي خليط الفرينة (ماتكثريش بزاف الفرينة قيس 03 مغارف اكل )
قلت لك نحي قيس الفطور لانه لو ديريه كامل و يبقى للغدوة تلقايها ثقييييلة و ماشي بنينة
اختي الجوهرة النادرة الكابويا هل هي ضرورية ؟ لان نظن في الصيف غير موجودة ولا كاينة وانا ماعلاباليش ؟؟
و كي ديري البطاطا و الكابوية و بعض الخضر الاخرى، تجي ثقيلة بزااااااف
انا نديرها كما هاك و تنجي روعة مكانش لي كلاها و ماطلبش المزيد
