طريقتي في تحضير الكرم 2024.

السلام عليكم ورحمة الله تعالى وبركاته

هدالمسكين الجميع لا يحبه لرائحته ولقلة وصفاته يكرهه الكبار قبل الصغار انه الكرم او الكرنب انا ولادي من سابع المستحيلات ياكلوه ولكن مع وصفتي اللي حنحطها الان قدرت خدعهم وان شاء الله تعجبكم
جيبي راس كرم متوسط الحجم قصيه طراف صغار حطيه يغلي حتى يطيب خلاص يذبال خلاص
حطيه يتقطر مليح مليح في الكسكاس من الاحسن ديريها هذ العمليه مثلا الصباح وطيبيه لعشية باش يقطر مليح
كي يتقطر خلطي معاه لحم مرحي نصف بصلة مرحية فلفل كحل ملح شوي معدنوس وبيضة وخلطي مليح ديري كويرات وحليها في لوسط وحطي فيها الفرماج وغمسيه في الخبز المرحي اقليه
طيبي لاصوص البيضاء كيما موالفة ديريها انا درتها غير بطرف صغيرنتاع اللحم حطي الكوريرات في الصحن وصبي عليها لاصوص ماتحطيش الكويرات في المرق على طول هو راهو طري راح يذوب
صدقوني لذيذ وصحي

ممممممممممممممممممم يسلمو حبيبتي تحفة وتبان تشهيييي مام انا خاوتي ميكلوهش وانا ثاني منحبوش بصح بهاد الطريقة اكيد راح نجربها

اكيد همسة والله لذيذ تقول ماهو كرم

ان شاء الله راح نطبقو طاطاتي مشكوووووورة

الله يخليكي بنت السهوب

هايل يشبه لطريقة اللي حطيتها مسبقا

مشقتش طريقتك وهيبة
شكرا على مرورك الكريم

يعطيك الصحة يبان يشهي بصحتكم و شكرا على الفكرة

لقد رأيت هذا الطبق في منتدى الجلفة… انت صاحبته؟؟؟

انا جربته و هو لذيييييذ جدا