طريقة سهلة لتنظيف الدوارة 2024.

بعدما تتنحى الدوارة من الكبش ونفرغوها من محتواها نخليها هكذاك مغلقة يعني مانقطعوهاش نكونو موجدين ماء غالي نفرغوه فيها ونبلعوها مانخلوش البخار يخرج مدة 3 حتى 4 دقائق ثم نفرغ الماء وبسرعة نقلبها وننزعلها الطبقة الداخلية (السوداء) لكن لازم نكونو خفاف باه مانحسوش للماء السخون وثاني إذا خليناها بردت متتنحاش هاذيك الطبقة

الله الله عليك يا لالة هاذو المواضيع لي نحوس عليهم
يطيك الصحة

يعطيك الصحة انا ثاني نعملها هاك تخرج بيضاء

مشكورة اريج نعم مليحة طريقتك احسن ماتتقطع
ساجربها ان شاء الله
السرعة ثم السرعة في التنظيف
ربي يكون في العون اخوات
انا عن نفسي كل شيء نقطعه بالمقص ليسهل علي العمل والمصارن كنا نقلبهم بالمترق طويل ورقيق
الان الحمد الله العملية راهي اسهل لانهم بدعوا في لوازم الاضحية تباع عند اللي يبيع الماعن
كدلك نفس الشيء مترق مخصص لهدا الشيء ختى في الدبيحة يحتجوه عند الثقب رجل الاضحية لكي يعمروها بالهواء
البونبى كدلك كاينة ليسهل على الرجال ….
الحرج موجد من فبل الثوم والقصير والنعناع وفلفل العكري راني وجدتي وعملتوا وشوية درسة كدلك لي يحب الحار والله الله على التوايل ماتخلي فيه حتى ريحة
والجلبانة و الحمص راهم واجديين
ربي يكون في العون اخوات

شكرا اختى يعطيك الصحة وربي يعاونا ان شاء الله وربي يتقبل وعيدك مبارك لك ولكل الجزائريات والجزائريين والعالم الاسلامى باكمله

حتى حنا نديروا هاد الطريقة بصح لازم السرعة والخفة والا تييبس

طريقة جميلة لكن نسقسيك اذا قليناها ما تفقدش الطعم نتاعها؟؟؟

يعطيك الصحة يا الحنونة اول مرة نسمع بالماء السخون و غلق الدوارة
الف شكر نطبقوها ان شاء الله نهار العيد

كيفاش تقليها؟؟؟ أنا جامي لاقليتها لأنها تدي الطياب