طبق سمك الفيلي لذييييييييذ من مطبخ أم نيفين 2024.

السلام عليكم و رحمة الله و بركاته
اليوم جبتلكم طبق راااائع و لذيذ و سهل جدا و سريع هههههه بعد طول غياب
أولا نحتاج كمية من سمك الفيلي حسب أفراد العائلة…لازم يكون ذايب و نديرلو ملح و فلفل اسود و عصير القارس و نخليه يتشرب حوالي 1/2 ساعة

ثم نحضر الحشو و هو عبارة عن زبدة و معدنوس فقط نخلهم مليح

ضرك نبداو بالتحضير

نفرشو وحدة و نديرو الحشوة و نروليو …و نكملو هكذا مع باقي الكمية و نحطوهم في صينية بدون دهن

كي نكملو كل الكمية نحطوه فالفرن على درجة متوسطة باش يطيب من داخل …وباش نعرف بلي طاب لازم الفيلي يبياض و ياخذ اللون الذهبي من فوق …شوية برك ماشي بزاف …
نجبدوه و نديرو فوقو كرام فراش مخبطة بالفرشيطة باش تولي شوية سائلة

و من بعد نرجعوه للفرن باش تتخلط البنة في بعضاها مممممم
وهذا بعد ما وجد ….البنة ممممممم مانحكيلكمش روووعة …

—————————————
فالاخير نتمنى يكون عجبكم و جربوه و ردولي الخبر ….
…………………………

اممممممممممممم

لذيذ

يعطيك الصحة

أهلا بيك أختي أم نيفين من جديد، طبق رائع، يعطيك الصحة

لذيذ طبق روووعة

مشاء الله

مشكورة اختى

يعطيك الصحة
اكيد لذييييييييييذ

عودة موفقة ام نيفين
طبق رائع والبنة اكيدة

ربي يعيشكم لبنات …فرحتني ردودكم كثييييييرا …

الله يبارك .طبق يشهي.بصحتكم

ربي يعيشك اختي ام اياد …نورتي

يعطيك الصحة
وصفة ساهلة ومليحة