المقادير:
جزر مقطع مكعبات صغيرة +بصل مشلظ+ملح+ ملعقة صغيرة طماطم مصبرة +طلرف لحم أو دجاج+شوية على راس المغيرفة خرقوم أو كركم أو العود الأصفر كل واحد وكيفاش يسميه
شوية قرفة و شوية سكينجبير
ننصب المرق ديالي عادي و نمرق ونخليها طيب و الطماطم ما تكتريش ما باتجيش مرقة حمرة نديرها غير باش تمد البنة و لوكان يكون عندك طماطم حب أحسن لكن خيري وحدة تكون صغيرة وطايبة مليح
نغلق على الكوكوط ديالي و نخليها طيب
ونحكم الزيتون ونغسلو مليح و نحطو في الماء البارد و كي طيب المرقة ديالي نرميه فوقها ونخليه يتبخ فيها شوية و تكون المرقة ديالي عقادت شوية
و للتزيين كل وحدة واش دير على حسب المقدور و الموجود
أنا درت بطاطا مقلية عادي و تقدري ديري ليبول ديال الكفتة أو البطاطا المسكرفجة
وتقدري في مكان الجزر ديري الفطر يجي روعة أن مكانش متوفرلي
يعطيك الصحة
كل الشكر لك اختي ليلى
مرحبا أختي لاتي مكانتش عندي النت كانت مقطوعة ههههههههه
مرحبا أختي بسمة حتى أنا نحب هذ الطبق بزاف
حسب التوابل هدي راكي اختي مغربية الاصل احنا مانخدموش بهم
المغيرفة خرقوم أو كركم أو العود الأصفر لو كان صورتي لنا هدا التوابل الكركم نعرفوه يكون كي العرق ويطحن غبرة
اللون خرج رائع انا نعمل الزغفران
لالا أختي أنا جزائرية و أفتخر صح نحن ما نخدموش بيهم بصح حنايا في الغرب في ولاية تلمسان نخدمو بيهم و الخرقوم والكركم و إن شاء الله نصورهلكم و تشوفيه
