كيف الحال بنوتات ؟؟؟
حبيباتي حبيت نسقسيكم في غطاء السرير
وش راهي لامود فيه
انا قالولي بالالوان مشي قاع بيض
نتوما وش رايكم ؟؟؟
و انت نوعي عدة الوان ما تديش كلش في لون واحد
ربي يهنيك حنونة
لا انصحك بالبنفسجي لانه عاتم (يعبر عن الحزن) كيما النواغ
من الاحسن يكون ازرق فااااتح كيما لون البحر
اخضر كلااااااااغ
وردي (غوز بونبو )
الوان مختلفة يكون كوفرولي فيه قاع الالوان مثل قوز قزح
التصديرة
لازم نبداو بيها لأنها تحكم الوقت ولازم نختارو لي مودال والخياطات و التصديرة تختلف من منطقة لأخري كل وحدة تدير علي حساب منطقتها وعل حساب مقدورها وعلي العموم نلقاو فيها:
****و
قفطان
قندورة
اونصومبل
قبايلي
وهراني
تلمساني
متنساوش الصبابط تع التصديرة والصيكان. و متكثروش الالوان الاساسية الدهبي و الفضي و الابيض و الاسود
و متنساوش تاني تشريو الدخولا لي تلبسوهم تحت لقنادر والجيبون.
و ادا كان تحبو تلبسو ليبا اشريوهم
الفراش
بساطات تع بلاصة وتع 2 بلايص
كوفرلي مليح لي يتفرش النهار لول _
كوفرلي خفيف واحد ولا زوج_
كوفرلي خشين للشتا_
زور كوفيرطا كيما يقولو في الغرب _
كوات_
دراوات تع كل يوم _
دراوات ملاح واحد ولا زوج_
تروسوات مثلا تع كروشي تع مسلول كل وحدة وش تحب _
غلافات مخادد من برة ومن داخل شتا وصيف _
زربية للبيت حسب لون الكوفرلي تع النهار لول _
ديسون دولي _
ريدو للشمبرا_
ناب رون للشنمبرة_
مخادد ضد الحساسية للرقاد
تلايق للخزانة_
بالنسبة للصالون تفريشة للصالون والا حابة تدي فوتاي مكلاه التفريشة _
زربية للصالون_
ريدو للصالون_
ناب رون للصالون _
مطارح _
مخادد صوف
عيييييييييييت المرة الجاية نكمللكم الباقي لكان عجبتكم.
صح عيدكم
راني رجعت مع الاضافة تع الملابس وشكرا للمتيقنة بالله سارة لهي فارتي لي كتبتها وزدت عدلت فيها شوي تفضلو:
الملابس:
جبب تع مناسبات مع سبابطهم
ربات سواغي
انسومبل تع مناسبات + سبابط والاكسيسوارات دياولهم
ملابس المنزل و الملابس الداخلية
جبب دار صيف
و شتاء
10 نويزات كل الالوان والطويل والقصير نوعو
2ديزابيي
10 اونسونبل سوتيان + كيلوت
10 سليب وحدهم
10 سوتيان وحدهم
5 بوستي
سورتي دو بان2 ليك و لراجلك…
بينوار2لي هو غوب دوشومبغوحدة صيف ووحدة شتاء
5 بيجامات شتوي
5بيجامات صيفي
البيجامات نوعو الستان و القطن
سيرفات
فيزوات
زربية الصلاة وطقم الصلاة
بنتوفات للشتاء
كلاكيتات للصيف وكلاكات للتسياق
بلغ وصابوات ملاح للجبب لملاح تلبسوهم كي يجيو الضياف و الايام الاولي
كلاكات البيضة تع النويزات والديزابي ادوكا لي فيهم الريش
ملابس الخرجة:
5 صيكان تع كل يوم
5 صبابط مع الصيكان
2 ملاية
4 حجابات + شال او خمار
جيب+فيستات+مونطو+تريكو
حوايج الحمام
ناس الغرب عندهم مقامة الحمام
سورتيتبان للعروسو ولعريس سبق وقلناهم
بشاكر وجه لي هوما السرابت
بشاكر للرجلين أعزكم الله
بشاكر صغار استعمالات متعددة
كيسة للتدواش
هدوك لي يجيو مدورين يتدوشو بيهم
حجرة للرجلين باه تنحي الخلايا الميتة
طاس باه تهزي الماء
علبة لي تحطي فيها الصابون
صاك دوتوالات
بروسادون ليك ولراجلك و دونتفريس
و ادا حبيتي هداك الطقم تع الحمام لي يجي فيه بور صابون و بورت بروسادون وتع الصابون السائل
الكوسمتييييييك
صابون
جال دوش
شمبوان
ابري شامبوان
ماسك للشعر
حليب للجسم
كيمة مرطبة
كريمة لليد
كريمة للرجلين
جال انتيم
كوتون تيج
كوتون ديسك
لانجات لنزع الماكياج
ديماكيون
كريمة الوقاية من الشمس
فازلين
ماء ورد
غوماج ماسك للوجه
باكي رازوار
ريجينة
شرائح نزع الشعر
ديدورون
ستيك
روائح وعطور
أستيكات للشعر
مساسك
باريتات
سرتات
مشطة للسيشوار
مشطة نورمال
سلاك
الفوط الصحية ولي بروتاج
الماكياج
فوندوتان
اونتيسارن
كحل
كريون للحواجب
فارابوبيار
ماسكارا
ايلينر
أحمر الشفاه
كريون محدد الشفاه
ملمع الشفاه
بودرة الخدود فاراجو
مجموعة أكسيسوارات المكياج ريشة……….
طلاء الأضافر
مزيل طلاء الأضافر
أدوات المنكير كوباونقل ومبرد وووو
مبراة لأقلام التجميل
الأدوات الكهربائية
سيشوار للشعر
ليسور
حديد و طابلة تع حديد
الة نزع الشعر كيما براون ولا كالور ولا متشريهاش لكان تستعمليي وسيلة أخري
الله يحفظك يا بنت عنابة
مشكوووووووووووووووووووووووووووووووووورة
حبيت نسقسيكم
كوفرلي مليح لي يتفرش النهار لول صايي ما ولاتش العروسة تدي واحد بيض
لامود الي راها دروك بالألون صح ؟؟
