صلصة الطماطم تصلح لكلشي 2024.

السلام عليكم حبيباتي ليكم وحشة كبيييييييييييييييييييييييييييييييييييرة
حبيت نشارك في الموضوع القيم واللي يساعد كل ربة بيت في الشهر الفضيل وراني ديجا حطيتو في قسم افكار لطبخ رمضاني سريع نتمنى انو ينال رضاكم

اكيد الكل نخدمو الطماطم ونكونجليوها وكي نحبو نستعملوها غير نجبدو ها واليوم حبيت نوريلكم طريقتي في حفظ الطماطم . اغسليها مليح حطيها تفور وبعدها ارحيها بقشورها بالميكسور برا ( الطويل ) جوزيها في السيار الرقيق تاع الدشيشة ( الرفاد ) حطي الطماطم الصافية اللى تحصلتي عليها في البلارات مغسولين وناشفين مليح مليح اغلقيهم مليح ثم حطيهم في كوكوطة واغلقي عليها مدة 20 الى 25 د حطيهم يبردو ثم حطيهم في بلاسة ناشفة وباردة (تحت البوطاجي ) واستعمليهم في اي وقت (مالفين يبقاو معايا مدة 8 شهور وما يفسدش )
ملاحظة : لازم يكونو البلارات ناشفيم مليح .

كي تحلي البلارة تسمعي طك

ختي تحطي البلارة في الكوكوط بلا ما يكون فيها ماء ؟؟؟؟؟
و تحطيها فوق النار ؟؟ ما فهمتش

و ثاني تحطيهم تحت البوطاجي ماشي في الفريجيدار و ما يخسروش ؟

مشكورة ام درصاف طريقة روعة هادي نجربها في هاد العام انشاء الله

شكرا حبيبتي على الطريقة تعيشي

واش مينا تحوسي ديري حريقا هههههههههههههههه . الككوطة ديري الماء وما تغمريش البلارات يعني 7سم من الغطاء حتى الاسفل اعلقي الكوكوط حطي الصفارة فوق النار كي تبدا تصفر احسبي 20 الى 25 د .

وقصة الكوكوطة انها تعقم الصوص وتغلق البلارات مليح .

غير جربوها لبنات راني عندي 3سنوات نتبع هذي الطريقة

حبيبتي قصدك نديرو كوكوت فوق نار وهي في داخلها بلارات لي عمرناهم غير تغلي نطفو عليها نار ونتركوها مدة 20 الى 25 د. باش نطلعو لبلارات هاك قصدك ؟؟؟؟؟؟؟؟؟؟

ههههههههههههههههه انا ثاني نخلعت كي قلتي كوكوط وحدها

اوكي حبيبتي يعطيك الصحة
بصح ما قلتيليش صح ما تخسرش و نتي حاطتها برا ..يعني بلا ما تحطيها في الفريجيدار ؟؟
اسمحيلي قلقلتك علابالي

شكرااااااااااااااااااااااااااااااا والله فكرة من دهب رايحة نجربها بعد العطلة بادن الله