صغير محروم من الشكولاطة 2024.

حبيبتي لازم تقوليلنا واش عندو باش نقدروا نفيدوك بلا ما نعرضوه للضرر

راه مريض من مصارينوا كيما واحد وليد عمي
مسكين ياكل غير الذرة
وزيدي نحيلوا الزائدة الدودية وقلعولوه كلية
الحمد لله على الصحة

اختي هادو الاطفال وكاين حتى الكبار عندهم مرض في الامعاء انا نعرف 4كبار وكاينة وحدة صغيرة ياكلو غير الذرة والارز بصح كاين في المحلات قاطو خاص بيهم ربي يشفيه

كاين دقيق تاع الذرة ولا الارز يجي شوية خشين يعني متوسط اخدميلو بيها حلوة الدقيق تصيبيها في مواضيعي وفي مكان الملون الغذائي ديري بيطراف باه يجي لون حمر ويحبو الطفل
ارجواني فهمتك وفهمتيني

كاين امينة قاطو سبيسيال يتباع

اوكي
عجبتني فكرة الملون الغذائي انتاع البيتراف

يا امينة هادي لا مالادي سيلياك ياكل غير الحاجة الي مافيهاش الغلوتين يعني كل حاجة في قمح و ششعير …دقيق فرينة سميد ممنوع عليه المشوربات الغازينة كل حاجة مصبرة ممنوعة عليه منعا باتاا هاد لا ملادي عندهم حساسية في الامعاء ف الغلوتين و ادا ماتبعش الريجيم ديالو ترجع سرطان الامعاء لانو عندو غياب ف الشعيرات الي تمتص الغلوتين و هاد يادي الى تسطح الامعاء يعني تولي بلااا و مايجوز فيها والو لازم يتبع الريجيم ديالو على اكمل وجه و الحلويات الباتيسري ممنوعة عليه لي بات كامل ممنوعة عليه العصير ممنوع عليه الياغورت ياكل غير البتيسويس الطبيعي و العصير يدير ف المنزل لانو العصائر في ملونات و محافظات تتخدم ب الغلويتين
ياكل كل الخضر و الفواكه البقوليات ياكلها .. الارز العدس اللوبيااا بتي بواكاسي كل شي ياكلهم هادو
مقارون و سباغيتي و انوعه لا لاااااا ممنوع منعا باتااا

الخبر يصنع ب فرينة الدرى ولا الارز في عرض الي هوما يديرو كسكس هو يدير الارز و ب لا صوص عادي و الخضر
و تان كاين كل شي احنا عندنا ف الجزائر و البليدة راه موجود الغاتو و المعجون و الحلويات و كامل انواع المعجنات المقارون و غيرهااا كاااين راه موجود كل شي ل هاد الفئة من المرضى

لازم يحادر مليح ادا دار الرجيم تاعو على اكمل وجه يبرااا و ادا مادارش يروح ب هاد الرجيم حتى ل الموت

هي مرض ماشي خطير عادي ماعندوش دواء هاد عندو رجيم برك يتبعو لا يوجد دوااء ل هاد المرض

اي استفسار راني هنااا

تان كاين لي بونبون و لي شوكولا برك كل حاجة سبيسيال و اي حاجة ياخدها لازم يشوف ادا مافيهاش الغلوتين
و تان هاد الفئة تعاني من انيميااا قوية لازم يتبعها كل وقت لازم كونترول شاك 3 موان ل الانيميا و تان يدير فيبروسكوبي ….ل الامعاء و ينحولو لا بيوبسي لانو طفل صغير كي يكون بررا ياكل ياكل الحلويات مع صحابو وصيهم جيدااا لازم يديرولو كونترول كل فترة لان ها المرض لازم يتبعوه وعندو عواقب وخيمة ادا ماتبعوش
لا بيوبسي هي يديرولو كيما تقولو تييو يدخلوهولو من فمو و يوصل حتى ل الامعاء و ينحولو جزء من الامعاء تاعو و يديرولو تحليل بيان سير هاد بيوبسي لا تتجاوز 20 دقيقة و لازم يروح صايم