اليوم نفرغلكم قلبي تاع الصحو الله ماعلابالي واش صرالي الغيرة راهي قاتلتني
اليوم وحدة حبيبتي تخدم في إطار عقود التشغيل شرات سيارة
علو 12 مين جينا خارجين قالتلي نوصلك و أنا قلتلها تديريني فوق ضهرك حتى شفتها جبدت المفتاح 207 جديدة الله يبارك ماشاء الله و قالتلي ب 207 و أنا مين حلت الباب ور كبت قريب تغاشيت ماشي من عوايدي نغير لكن للأسف غرت و الله ماراني حاسدتها لكن غرت غرت الله غالب واش ندير و الأن راني غير نخمم ماعلاباليش و اش صرالي النفس عمرها ماتشبع سبحان الله الله يعطينا القناعة
هادا واش كاين متضحكوش عليا بصح حبيت نقاسمكم شوية تاع الغيرة
يا اختي الله يهديك و يرضيك و من خيره يعطيك اللهم لا حسد فقط قولي اللهم ارزقني مما رزقتها و ردي بالك تخلي الامر يكبر لانو الغيره شيى و الحسد شي تاني و الغيره تتحول في وقت قصير لحسد و العياد بالله و الحسد هو تمني زوال النعمه من صاحبها و نحن أمة مسلمه تمني الخير للناس ربي يعطيك وش دخلك شرات ما شراتش و تحسبي الناس كامل لعندهم دراهم مهنيين لا و الله فالسعادة و راحة البال لا تسترى بثمن ساعفي روحك اختي الحبيبه و بصحتها و لعقوبه ليك خيييير منها
ربي يوفقنا لكل ما يحب و يرضى و يطهر قلوبنا من كل شر آآمين دمتي في حفظ الله
اكثري من الدعاء لصديقتك بالبركة فاذا احسست ان غيرتك تزداد نحوها فقومي بالاحسان اليها فان ذلك يرغم انف الشيطان فلا يدفعك لحسدها
وجود شيء من الغيرة بين الأقران ومشاعر التنافس وحب الذات أمر وجوده طبيعي
لكن المطلوب منا في هذه الحالة هو مقاومة هذه الغيرة والدعاء لمن نغار منه
وفقك الله أختي
بصح ضحكتيني هههه
الله يهديك ماعليش راكي لقيتي الي يوصلك انتي ايضا مستفادة
الله يرزقك و تشري مرسيدس ولا طويوطا
قولي امين
نحكيلك انا على روحي؟؟
بش ما تززيديش تغيري
انا ابي معتمد لشركة سيارات
و امي دارت البارمي غير كما و ما خلاونبش ندير معاها
شرالها ابي سيارة
اختي بعدها دارت البارمي و راها تسوق
و انا ما خلاونيش ندير البارمي رغم ان السيارة ممكن اي وقت يحبو يشرولي
و هكاك نقول معليش و فرحانة لاختي و امي بزاااف لانهم وجهي و ان شاء الل راجلي يديرلي البارمي
و نزيدك حكاية واحدة نعرفها كانت جارتنا
ما عندهمش يعني على قد الحال
دارت بارمي و شرات لوطو و كانت من بكري تغير مني غير هكاك
امالا انا ما نخرجش بزااف
كي شافت بلي انا قاع ما شفتهاش باللوطو
جاااتني للدار هههه
و هي عمرها ما جات
قاتلي واش بيك ما تبنيش
قتلها انا هكا ما عندي وين نروح بلادد صغيرة؟
قاتلي درت بارمي و شريت لوطو
و راحت
ههههههههههههه
تخيلي؟؟
و هكاك و الل ما غرت
اشفقت عليها الي انخلعت في لوطو
كوني قنوعة حنونة و الحسد و الغيرو و الل يرشو القلب و يفقدوك في معنى الحياة
اشريلها بورت كلي كادو
و موفقة حنونتي
اللهم إنا نسألك الهدى والتقى والعفاف والغنى