مرحبا حواء الجزائر
حبيت نحكيلكم على الصابون الصحي يعني اللي يكون مخدوم بمواد و اعشاب طبيعية عطرية و غير عطرية.
نعطيلكم هذه الطريقة لمن حابة تجرب تخدم الصابون اللي تليق على بشرتها او اللي حابة تستمتع برائحتها الطبيعية .
و رايحة نحاول في كل مرة نعمل موضوع على صابونة بعشبة ما و نحط الفوايد تاعها .
الطريقة هي :
تجيبي صابون الطرف او الحجرة و تقومي ببشرها في اناء ثقيل ، تضيفي فنجان ماء و تحطيه على نار هادئة مع التقليب حتى الذوبان التام .
هذه العملية هي اول ما تقومين به ثم تختاري العشبة او الزيت المراد اضافته – و ممكن يكون خليط من مواد او اعشاب طبيعية- و تخليها تبرد مليح
افكار لاشكال الصابون:
– تقدري تعمليها بشكل مستطيل و ذلك بان تفرغيها و هي سخونة في مول مربع و لما تبرد تقطعيها مستطيلات او مربعات .
– تقدري تفرغيها في قوالب السيليكون تاع الكاب كيك و هي باشكال مختلفة 
.
– تقدري تفرغيها في علب الكريمات الفارغة و تتحصلي على قوالب صابون مدورة .
-تقدر تقطعيهم بطوابع القاطو.
و لكي الاختيار و انت و ذوقك
ملاحظة : ممكن تلونيها باستعمال الملونات الغذائية فهي آمنة نوعا ما مع عدم الاكثار منها حتى لا تصبغ لك بشرتك .
و هنا ساعمل على وضع فهرس لانواع الصابونات المصنوعة في المنزل و لفوائدها
1- صابونة الخزامى( اللافندر) بصنع يدي
2-صابونة البابونج(الكاموميل) بصنع يدي
كابريسة
حبيبتي ام سيرين هذا بعض مما عندكم
كل وحدة نعطيلها نوع الصابون اللي يناسب احتياجاتها
على المرور الكريم