السلام عليكم و رحمة الله
خياتي انقذوني
جربت من قبيل شباح السفرة اللي اصبح شيان السفرة بنفس الطريقة اللي قلتو مرارا عليها
3 كيلات لوز رطب ( انا كان عندي لوز و بندق رحيتهم بودرة)
بكيلة سكر رطب
تتلم بصفار البيض حتى تولي عجينة
كانت تتلاصق شوي و انا نحل فيها درتلها ورق مطبخ و طبعتها مررتها في بياض البيض و قليتها تحلت كامل في الزيت ولات فتات رقيييق
وين المشكل؟؟
سلام حبيبتي
أولا اللوز مالزمش يكون رطب غبرة و السكر لازم يكون خشين
و بياض البيض مالزمش يتخفق
النار لازم تكون متوسطة و غير يصفار تقلبيه
اذا لقتيه ما طابش مليح
خليه يبرد مليح و عاودي اقليه مرة ثانية
انشاء الله تنجحي فيه المرة الجاية
رمضانك بالصحة و الهناء
أولا اللوز مالزمش يكون رطب غبرة و السكر لازم يكون خشين
و بياض البيض مالزمش يتخفق
النار لازم تكون متوسطة و غير يصفار تقلبيه
اذا لقتيه ما طابش مليح
خليه يبرد مليح و عاودي اقليه مرة ثانية
انشاء الله تنجحي فيه المرة الجاية
رمضانك بالصحة و الهناء
وزني ذهب الحق عمري ما عملت شباح السفرة بصح ضحكتني شيان السفرة المهم ان شاء الله المرة الجاية تصلحلك وتاني شفتها تتباع جاهزة في المحلات
هههههه ضحكتيني
حبيبتي السلام عليكم حنا في قسنطينة معروفين بشبهح السفرة نعطيك الوصفة نتاعها راهي ساهلة خلاص وبادن الله تنجحي فيها المقادير هي 3 كيلات لوز رطب 1 كيلة سكر عادي ماشي رطب وتبلي بصفار البيض حطي بالوحدة واعجني مليح هي من المفروض على كل 100 غ لوز عندنا صفار بيضة لكن حنا نبلوها حتى تتلم ومالازمش تجيك جارية باه ماتتحلش في الطياب اعجنيها مليح مليح وغطيها بالبلاستك وخليها ترتاح من بعد خلطي بياض البيض بالشوكة فقط وحطيلو قدر مغرف صغيرة ماء باه مايتحرقش الزيت ومن بعد تبداي تقلي فيها القلية الاولى بعدها تخليها تبرد وتمسحيها مليح كل حبة وحدها وتعاودي تقليها مرة ثانية وتعاودي تمسحيها وتطيبيها عادي كيما الطاجين لحلو لكن لازم ترميها مع الاخير وربي يوفقك .
