السلام عليكم ..
والله مالقيت كيفاه نجيبهالكم….
المهم اليوم وانا في البالكون قدام الشميسة شوية الا ونسمع طفل صغير جارنا غير كي بدا يمشي ويتكلم
بصح يقول كلمات ماشي مهذبين وباباه فرحان ويصفقلوا ويقول واو اسمعوا واش قال ويقولو عاود عاود وهو ميت ضحك
زاهي بوليدوكي عاد يقول كلمات ماشي ملاح…
قلت في قلبي والله يعني كل عايلة علاش بنها كي يبدا يتكلم ويقول هدرة ماشي مهذبة يفرحوا بيه ويعاودوها للاقارب
وهوما زاهيين وهومسكين ملاك ما علابالو بوالو يحسبها حاجة مليحة يقعد يرددفيها كي الاغنية
ومع يزيد سنتين ولا ثلاثة يبداو يسكتوه ويضربوه……راك ماشي متربي وهاذي هدرة ماشي مليحة
علاه هاذا الكلام مايقولوهش من الاول ويخليوه حتان يلصق في لسانو ومبعد يحيروا معاه
وشكون اللي مر عليها مواقف كيما هكذا …وعلابالي باللي كل وحدة فاتت عليها غزوة كيما هكذا هههه
وكيفاه تنصحو الوالدين سيرتو الاب اللي يفتخر بوليدوقدام صحابو كي يتلفظ باسوء الكلام
يا رب احميلنا ولادنا وان شاء الله يقدرنا ونربيوهم على الدين والاخلاق
حقيقة كيما هادو المواقغ طحت فيهم بزاف و فاتو عليا
التربية تلعب دور كبير في سلوك الطفل و تبدا من الوالديت كي يربو الطفل مليح مهما واش يسمع ما يرددهاش لانو والديه
رباوه على الحشمة
انا املادي و بدون فخر ما يتلفضوش بكلام غير لائق حتلى كي يسمعوه ما يرددوهش
و يسمعوه تخيلي من اقرب الناس ليهم
وكي نجو للدار يقولولي امي انا ما نقواش كيما قالت فلانة عيب
ترسخت في ذهنهم بلي الكلمة القبيسحة عيب مهما كانت ضخامتها
اخيرا التربية شيء ليس بالشيء الهين
شكرا على الطرح
راكي قلتيها دوك ايصفقولوا او زعما كي يكبر يضربوه
التربية تبدا منذ الصغر
فاتت بزاف علي مواقف كيما هكذا
ربي يهدينا
صح شفت بزاف هك للأسف