شكون تقدر و اجرها عند الله تعالى 2024.

السلام عليكم و رحمة الله
طبعا لاحظت انه توجد الكثير من العضوات يحبن فن الكروشي و انا منهن و لا يعرفن البداية
طبعا في النت يوجد لكن ليس مثل الورشات و المتابعة من طرف محترفة في فن الكروشي

اطلب من كل اخت تعرف الكروشي ان لا تبخل على المبتدئات و تفتح لنا ورشة نتعلم فيها اساسيات الكروشي ابتداءا من السلسلة حتى الاحتراف
لانني وحدة من الناس هذا وش نعرف سلسلة و فقط
و اللي تفتح ورشة و تحتسب الاجر رايحة تفوز في الدنيا قبل الاخرة و لها صدقة جارية و بارك الله فيها و نفع بها و اسعدها في الدنيا و الاخرة
تحياتي

حبيبتي ام عبد الرحيم السلام عليكم أنا أيضا كنت مانعرف والو لكني تعلمتو وانا صغيرة من عند زجة ابن عمي لكن بدون أساسيات يعني نخدم برك الموديل كيما نشوفو قدامي نقدر نخدم عليه ويالشوية تعلمت نخدم بالحساب وعلى الباترون لكن الأسماء الخاصة للغرز مانعرفهمش مليح رايحة نبحث قي الموضوع ونقلك وكاين أيضا الغرز في قسم الكروشي ضوفيهم وقوليلي واش مافهمتيش

اختي شاركي في الورشات راهي كاينة الأن تاعي وتاع الأخت ورد الجورى الخاصة بالصدور
شوفي الورشة تاعي مثلا راني شارحة الصدر بالتفصيل نظن تقدري تخدميه والكروشي يتفهم بالممارسة وانت اسألي واش ما فهمتييش

اخت ام عبد الرحيم الكروشى تكتسبيه مع الوقت وراه ساهل مفيهش حويج بزاف الكثرة نخدمو بسنيسلة والصدفة والاعمدة بلفة الولفتين و3لفات والمنزلقة تعلمى هذو تقدرى تخدمى بيهم حويج بزاف والغرز لخرين تكتسبيهم مع الوقت

مفهمتونيش بصح العمود و النزلقة و وو كيفاش نديروهم راني نشوف في الورشات تاعكم و هذا اللي دفعني ننشأ هذا الموضوع لانه معرفتش خلاص كيفاش نبدا
بارك الله فيكم حبيت تعلمونا المنزلقة و بعدها العمود باش نقدرو على الاقل نشاركو في الورشات

https://www.dzhawaa.com/vb/dzhawaa42885#post398590

وعليكم السلام حنونة مرحبا بيك انا فهمت واش حبيتي تقولي يعني اسماء الغرز ما تفهميهمش بصح عالاقل اهم شيء في الكروشي تعرفي ديريه السلسلة
انا ننصحك كبداية استعملي خيط الصوف باش تتسرح يدك والخدمة كي تكون كبيرة تسهلك بعدها تقدري تستعملي الخيط
وقوليلي واش حابة تخدمي مثلا كبداية شوفي اي موديل حبيتي تخدميه حطي صورته وان شاء الله رانا نساعدوك حنونة
وربي يوفقك

الاخت جزاها الله خيرا