السلام عليكم يا حواء الجزائر نتمنى تكونو بخير
مشكلتي وهي كالتالي جذور شعري يعني قولو تقريبا 5 سم من الجذور شعري مزيت ولتحت ناشف بزاف والله حرت نديلوا زيت مايساعدنيش يزيت بالخف نسيي ندير برك من التحت كيف كيف الله يخليكم الي عندها نفس شعري تقولي واش راهي دير يعني حتى في الشامبو حرت بزاف يعني نشري للشعر دهني ولا جاف ولا عادي مع انني في مكان ومتوفر كلش تقدرو تقولو كل شامبووات جربتهم مانجحش معايا والو وشعري يفوت برك عليه يوميين تقول عندو 10 سنين ما غسالتوش هذا من الفوق بصح من التحت ناشف بزاف 
السلام عليكم و رحمة الله تعالى و بركاته
أختي كي ديري الزيت دير غير وين ناشف ما ديريش في الجذور
و ان شاء الله الأخوات يفيدوك
أختي كي ديري الزيت دير غير وين ناشف ما ديريش في الجذور
و ان شاء الله الأخوات يفيدوك
ينقل لقسم استفسارات و مشاكل الشعر
استخدمي بيض+زبدة و خليهم في شعرك اكثر ملتقدري
انشالله تصلح
انا نقولك على الحل اختى بصح وعدينى تجربيه هدا اختى حكمتها une chute بصح ضرك الحمد لله تجيبي حبة بصل و تقسميها على 4…. و2فصوص ثوم تقسميهم على 2 وتجيبي كاسرول و توضعى فيها الماء و البصل والثوم و تخليها تغلى حتى يولى الماء لونه اصفر تصفيه وناخد الماء فقط نضيفوله مغرف زيت زيتون و مغرف زيت خروع و مغرف كبيرة ورق سدر حسب طول شعرك ضعيها على شعرك و غطيه على الاقل 4ساعات ومن الاحسن تباتى بيه مرتين في الاسبوع نتمنى نكون افدتك وادعى لى و لخطيبى دعاء من القلب جربيها و ردى علي اوكى
السلام عليكم شكرا أختي على الوصفة و ان شاء الله ربي يطيب بيناتكم ويتتم زواجكم على خير انتي وخطيبك حبيت نقولك انو انا ماعنديش problem de chute شكرا على كل حال
حبيبتى انا من مصر خبيرة تجميل اذا كان لديكم فى الجزائر لوسيون ليندو فهو ان شاء الله يحل لك المشكله