اللهم صلً و سلًم على سيًدنا محمد و على آل سيًدنا محمد
حبيباتي اليوم جبتلكم وصفة شربات البليدة اكيد اللي يقول شربات البليدة معناها بالليمون
كل من ذاقها طلب الكيفية
و اهلي اجبروني اني اعمل منها اكثر من 2 لتر في الفطور لانها خفيفة و منعشة ما تبقى على الطاولة
سمعت انو يضيفولها حليب او ياغوورت تارت الليمون لكني لم اجرب خصوصا أن الثاني مفقود من كل المحلات
المهم..
المقادير و الكيفية سريعا:
3 حبات قارص
1 لتر و نصف ماء بارد
8 ملاعق أكل سكر
1 ملعفة أكل عسل حر
قطرات ماء زهر
انا خيرت هاذو و كنت بديت برش الليمون
تبرشيهم و زيست اللي يطلع تحطيه في كأس ماء اضافي
و تخليه يتنقع ربع ساعة
تعصري الليمون في العصارة
تحطي السكر و العسل في طأس زجاج و تذوبيهم مع الماء البارد
لما يذوبوا جيدا تضيفي عصير الليمون و تخلطي بالملعقة
تصفي منقوع برش الليمون في الخليط
ثم تعاودي تنقعيه لكن من العصير نفسه و تتركيه 10 دقائق ثم تعاودي تىصفيه في العصير الخطوة الاخيرة تزيدلو اللون و البنة
تضعيه في الفريزر نصف ساعة قبل التقديم لازم يكون بارد مليح
جربوها عن قريب و ردولي الخبر
يعطيك الصحة ختي
ربي يسترك
يعجبني دوق القارص منعش و خصوصا في هاد الحرارة
انا قريت في البليدة و بقيت فيها سنين و لما رجعت خلاص هاذ الصيف عزَت عليَ بزاف
و ما تهنيتش حتان تعلمت الشربات نتاعها حاجة تردني ليها في هذا رمضان
ان شاء الله تعجبو هاذي راجلك و تتهناي
حتى انا مانحبش يطغى طعم ماء الزهر على طعم الليمون لكن قطرات اقل من نص ملعقة صغيرة تزيد نكهة خفية
يسلمك و يباركلك في صحتك