جمعة مباركة ان شاء الله و صح غداكم
الطريقة الله يرضى عليك اخيتو
كى تجيبى الشخشوخة حطيها فى كاسرونة صبى عليها الماء حتى تتغطى و مباشرة قطريها فى حاجة مثقوبة و مبعد ما تقطر حطيها فى قصعة فرقديها على بعضاها و خليها تنشف فى نفس الوقت تكونى حاطة قدرة على النار فيها لحم يطيب تكون المرقة تاعو حمراء نقليو البصل و شوية ثوم فى شوية زيت نزيدو اللحم و الملح الفلفل الاسود الفلفل العكرى و مبعد نزيدو طماطم حب مرحية و طماطم علب و الحمص المرنخ و كاين الى حطو الكورجيت و كاين الى ما يحطش مبعد تمرقى و تخلى تطيب كى تنشف الشخشوخة تاعك مليح ادهنيها بشوية زيت و حطيها تفور فى كسكاس على القدرة تاع اللحم كى تفور نحيها فكيها من بعضها و رشيها بشوية ماء ماشى بزاف و خليها تنشف زيدى ادهنيها بشوية زيت و رجعيها تفور كى تفور نحيها حطيلها شوية زبدة و جيبى كاسرونة حطى فيها شوية زبدة شوية طماطم علب و شوية مرقة لحم مصفية خلطيهم مليح حتى تتحلل الطماطم و رشى بهم الشخشوخة تالعك و هنا سر البنة تاعها خليها تشرب شوية مبعد حطيها تفور نحيها فرقديها على بعضاها بشوية زبدة كى يطيب اللحم صفى المرق صبى المرق قيس ما تتغطى برك فوق الشخشوخة و حطيها فوق نار هادئة تتجمر و تتشرب المرقة بعقلها متبقايش تحركى بزاف كى تتشرب المرق اضيفى لها زبدة موزعة على فى كل مكان حركى مرة ولا زوج و طفى النار و شهية طيبة
ان شاء الله نجربها