[[]
العجينة البيسكوي: وهذه المقادير تضاعف الى 3 مرات لعمل 3 طبقات
4 بيضات الصفار وحدو والبياض ايضا
80غ سكر
100غ فرينة
1 خميرة تاع حلوى
فاني او عطر الليمون او قشور الليمون
الكريمة شانتي:
200ملل حليب محلى بملعقتين كبيرتين سكر +100غ غبرة الشانتي + فاني نتاع الميزان + شوية معطر الليمون +كريمة تاع اوبلا راهي تتباع يمكن تعملي نصف كاس ولي ميحبش تجيه حلوة يمكن الاستغناء عنها مي حنا لازم نديروها
السيرو:
نصف كاس ماء نصف كاس عصير ليمون
2 كاس سكر
الفواكه:
كيوي
فروالة
موز
اناناس
قطعي كمية معتبرة واتركي بضع حبات من كل نوع للتزيين كما هو موضح في الصورة
عجينة البيسكوي:
الفرن يكون شاعل مسبقا ب15 د
نقوم بخلط الصفار مع السكر وقشور الليمون جيدا حتى نتحصل على لون فاتح للخليط من جهة نضيف كمية الفرينة مع الخميرة و نطلعوا البياض باضافة رشة ملح ثم نسكب بياض البيض بالتدريج مع الخليط الاول ونقلب من الاسفل الى الاعلى باش منكسروش الهواء نتاع الكعك وميهبطش البيض حتى يتجانس الخليط يوضع في صينية ونبسطوه على شكل مستطيل ثم الى الفرن حوالي 15 الى 20 و عينك ميزانك حتى تشوفيه يحمار شوية
اعيدي الخطوة 3 مرات للتحصل على 3 طبقات
كريمة الشانتي:
نخلط الحليب والسكر حتى يدوب السكر ويمكنكم استعمال السكر الناعم مباشرة عند الخفق
نضع الحليب في كاس اينوكس ونحطه في الكونجيلاتور حتى تتشكل طبقة جامدة من فوق
نضع جميع المكونات في اناء الحليب ..غبرة الشانتي المعطر والفاني ونبدا الخفق بالباتور لمدة 8 الى 10 دقائق حتى تتشكل امواج وتتكاثف ثم نضيف كريمة الاوبلا
بواسطة قالب القلب نبدا في تقطيع الكعك بشكل قوالب القلب الباقي من الزوائد يفتت ونضعه داخل الشارلوت ثم نضع الطبقة الاولى نضيف السيرو ونشمخ بيه الكعكة مليحة ونضع طبقة فاكهة مقطعة والزوائد المفتتة ثم نملا بالشانتي بعما قسمناها الى 3 اقسام حتى تكفيك
نعيد الكرة 3مرات مع الطبقات الاخرى
اخيرا نطلي ما تبقى من الشانتي كل الكعكة بالسابتيل ثم نزين بالكيس الحلواني فوق الشارلوت باي تزيين تريدين وتضيفي قطع الفواكه مرتبة باش تعطيك منظر مرتب ثم اوبببببببببب الى الثلاجة لازم على الاقل ساعة باش تشرب وتبرد
هاذي الوصفة تحمر الوجه وكي ديريها تبان تاع برا لاننا نعتمد وصفات تاع مخابز المهم جربي وردي الخبر واي استفسار راني هنا يا عزيزاتي
الى لقاء في وصفة اخرى من مدرسة طبخ سمونة
ولكن وين راهي الوصفة؟
راهي تهبل تسلم الايادي …
تقدروا تبدلوا الفاكهة لي متقدروش تتحصلوا عليها لكن من الافضل الكيوي والفراز يكونو
