سلطة الكرم الاحمر 2024. - سيدات الجزائر

مساؤكم سعيد اليوم جبتلكم سلطة مختلفة على السلطات المعتادة ايا نبداو بسم الله
اول مكون رئيسي هو راس كرم احمر صغير+2 بايط بيتي سويس او فرماج طري+زيتون اخضر و زيتون اسود+حبة طماطم+ليمون و المعدنوس للتزيين+ 1 راس صغير بصلة

اولا نقطع راس الكرم الى قطع صغيرة جدا و نضيفلو ملعقة كبيرة ملح و نخلطو مليح و نغطيه ونخليه مدة على الاقل 1 سا
هنا درنا الملح باش يمتص الماء الي في الكرم ويدبل مسكين الجيريا و يولي اسهل في الاكل
و نقطعو الطماطم و الزيتون و البصل

بعد ساعة ندعكو ونعصرو الكرم مليح باش نخرجو منو الماء ونشلوه بعد دلك ب الماء مليح باش يروح منو الملح

ثم نخلط الطماطم و الزيتون و البصل و الكرم و البيتي سويس او الفرماج الطري مع بعض و نسمقهم ب الزيت و الخل والملح ديري حسابك في الملح لانو البيتي سويس مالح

زينيها بالليمون و المعدنوس و قدميها باردة
بصحتكم