السلام عليكم
اكيد كلنا نحب المادلين و خصوصا اذا كان هشيش
و لذا جبتلكم سر هشاشة العظام … اقصد سر هشاشة المادلين
المقادير
ثلاث علب ياوورت ممزوج ( من الأحسن ذوق ليمون )
اغسلي العلبة و عبري بيها
3- علب سكر
3- علب زيت
8- علب فرينة
6- بيضات
3- خمارة
ڤاني
التحضير:
طلعي بياض البيض مثل الثلج و ضعيه جانبا
ثم خلطي صفار البيض مع السكر حتى تصبح كريمة
اضيفي الزيت ثم الياوورت الممزوج ثم الڤاني و اخيرا الفرينة و الخمارة حتى تثقل العجينة
ثم بالشوية اضيفي بياض البيض حتى لا يتكسر الخليط
ضعي ليكيسات الخاصة بالمادلين في قوالب الحديد و ضعي مقدار من العجينة و الى الفرن
في تلك الأثناء اصنعي شاربات خفيفة بالسكر و الماء و عصير الليمون … و لما تخرجي المادلين و هو ساخن اسقيه بالشاربات الباردة … و هذا هو سر المادلين الهشوش
و لكي حرية الاختيار في التزيين …..
أمممممممممممم هآيل مآشآء الله
بصحتكم
بإذن الله نطبقه
يسلمووو
