السلام عليكم. انا من وهران و خطبنا لخويا من منطقة تلمسان و رايحين نديروله الفاتحة ان شاء الله و بغيت نعرف واش ندو للعروسة من ملابس وحلويات ،ساعدوني ربي يعطيكم ماراكم متمنيين.
جابولي تبق نتاع لحنة و خاتم الخطبة و فاليزة فيها ريحة طايور و بلوزة و ملاية وشدة تلمسانية .. الخ و دهب لي هو مقايس و باغوغ و دراهم
دفوع وحلوى بصح ماعلبليش واشنو هوما عداتكم مبروك على خوك حبيبتي و لعقوبة للعزبات مزيان سعد ان شاء الله
والذهب سلسة منقوش خاتم ومسيبعة كاش حاجة راني هنا
اقلهم مهرا اكترهم بركة
مع احترامي لكل الاخوات بصح راني نشوف تبالغو بزاف فالمهر امالا الزاوالي مسكين ما يتزوجش
هدا مجرد راي لان الاختلاف في الرئي لا يفسد للود قضية
ربي سجيلكم ختي والف مبروك
شوفي ختي تدولها حاجة نتاع قيمة كراكو و لا قسنطينية ولا ,,,,,,, راكي فاهما
و جلابة و لا ملاءة شوفي هي واش راهي دايرا و نتوما ديرو العكس و لخيمار و سباط
و ملابس داخلية و ملابس نوم و مكياج و عطور و شمبوان
الجرة لي هيى هدايا لاهلها
و ماتنسوش السباط الابيض لخطرش لعروسة تخرج من دار والديها بالسباط لي يجيه ليها راجلها
و الدهب على حساب واش راكم متفاهمين
اما القاطو عادي مافيهاش حاجة مميزة غير لي جبتوه
و الله يسخر
انا من تلمسان وزوجت في وهران
دارولي كيما قالت الاخت دات النون
شوفي دو القاطو غلفو و ديروه في البلاوات
دو السني لي هو الطبق ديروها بلوزة كما عاداتنا في وهران تكون بيضاء و زيدي قفطان مثلا يكون معمر راهم في مدينة جديدة روعة و بسومة معولة دولها صباط على حساب القفطان و البلوزة حزام شريه من حوانيت نتاع مدينة جديدة بلاكي اذا معندهش دولها كوسميتك ريحة مكياج صابون شمبوان و ديروهملها في سلة تاني تلقيهم يتباعو كل شي تلقيه في مدينة جديدة تكلي على دراهمك برك و متنسوش اذا باغيين ديرولها الحنة دولها طبق الحنة 2 كيسان صحن الحنة الشمع تلقيهم واجدين و الذهب اذا ما زال حكمين عادت التبراح و الدراهم باه تحمم كل واحد و شا يحط و دولها تاني بوشات للقفطان و لا للبلوزة و نسيتك تاني ملاية و لا جلابة بخمارها و السباط
المهم إن شاء الله تكوني فهمتيني و هذو تقاليد الوهارنة مش التلمسان شوفو نتوما شا تبعو
