طبعا كلكن تعرفن هذا احنا نسموه الكرنب و كاين يقلولو الملفوف
بليز لعندها وصفات جديدة تفيدني بيهم غير وصفة الملفوف المحشي لا فانا اعرفها
في الجواز او مرقة طعام
وكاين طريقة أخرى ديريه كيما المعقودة
تدرسيه وتحطي معاه الثوم لكن بعد ما تفوريه وتضيفين له شوية فرينة و البيض وتعمليهم أقراص و تفوتيهم في الفرينة ثم البيض ثم لاشابلير و تقليهم في حمام زيتي
وخدميلهم صوص طوماط وسكبيها عليهم وشهية طيبة وتقدري تضيفين لهم حتى قطع من الدجاج داخل الخليط
وموالفة تاني ندير هذ الطبق و نضيفله أفخاذ الدجاج المحمرة في أكياس البلاستيك
أتمنى أن أكون قد أفدتك
لان زوجي جابلي راس كبير و حنا رانا في زوج لذا لازملي وصفات اخرى باش نطيبو و نتهنى منو نتهنى منوووو هههه
زيدي شوفي مع لبنات بلاك يفيدوك
اختي تفضلي الطريقة هدي لأم اماني المشهورة بوصفاتها الرائعة
المقادير:
صدر دجاجة حجم كبير
راس كرنب صغير الحجم
جبن
حبات بيض حوالي 3 حبات او اكثر حسب المول المستخدم
حبة بصل
سنينة ثوم
ملح
فلفل اسود
2 م ك شابلير
معدنوس
طريقة التحضير:
اولا نحضر مرقة بيضا بالطريقة العادية
في طنجرة نحط نصف كمية صدر الدجاجة +بصلة مسكرفجة+سنينة ثوم+م ك زبدة+ملح+فلفل اسود
نحط الطنجرة على النار ونخليها تتقلى على نار ناقصة من بعد نمرق بشوية ماء مانكثروش بزاف الماء ونخليها تطيب حتى نتحصل على مرقة او صوص خاثرة.
من جهة ناخذ الكرم
نغسله ونحط يفور حتى يطيب من بعد نحط في كسكاس يقطر مليح ونرحيه بيدي وهو فوق الكسكاس وفي نفس الوقت نتخلص من القطع الخشينة لي تكون فيه.
ناخذ نصف كمية الدجاج المتبقية ونرحيها ونضيفلها الكرم والكمية من الجبن
من بعد نضيف لاشبلير وكمية من البصل يكون مسكرفج ومعدنوس يكون مقطع رقيق وملح وفلفل اسود
ونلمها بالبيض ممكن نحتاج بيضة او اقل حسب الكمية يعني نضيف بالشوية كمية البييضة لازم الخلطة تكون متماسكة نقدر نكورها
من بعد نشكلها كويرات او صبيعات ثم نقليهم في شوية زيت على نارقليلة حتى تطيب وتاخذ لون ذهبي لازم نراقبها لانها تتحمر بسرعة
ناخذ كمية الدجاج لي طيبناه في المرقة ونفتتوه ونضيفلو كمية مليحة من الجبن المقطع
ناخذ مول ندهنه بالزبدة ونحط الكويرات لي قليناهم ونزيد قطع الدجاج والجبن ونسكب عليه كمية المرقة ونخفق البيض ونسكبه من فوق
ندخل الغراتان حتى يتماسك وياخذ لون ذهبي
نقطعها ونقدمها بالصحة والهناء
لاحظوا طبقات الدجاج مع الجبن امممممم
