بما ان الجميع يعرف الوحم ومرارته ارجوكن ان تساعدنني .مشني قادرة ندخل للكوزينة ونطيب راجلي بدى يقلق مني كل يوم نطيب حاجة بالحليب مشني قادرة لانقلي برمة لا نتفنن في الطبخ.ربي يعيشكم اللي عندها des recettesاللي يطيبو ليه ليه ماتبخلش علي انا بلا حتشي الغثيان مداير في حالة.عاونوني يا خاوتي راني اختكم
في اتظار ردودكم.البارح روز بالحليب والعشاء اليوم واش ندير راني ملللللللللللللللليت
ديري les soupes
يعني قطعي الخضرا و غلقي عليها حتى تطيب و رجعي اطحنيها و ديريله توابل و خرطي عليه
و ديري les gratins
ديري la purée
و اللحم الا ما قدرتيش تقليه
ديريه ف كوكوط و شوي ملح شوي زيت و شويييييية ما
و غلقي الكوكوط و اهربي 5 دقائق ههه
و الله يشافيك و يحنن قلبه عليك بش يفهمك
استعينى بى البلا كما لقراتى
متلا تفورى البطاطا روندالات ومن بعد تحطها فى بلا وتزيدى عليها القليل من الحليب والفلفل الاسود والملح واقلى طرف دجاج او سكالوب وفرغى عليه لصوص لى تخرجيه من بعد القلى ودخليها الفرن
او البطاطا بورى فى الفرن تانى تهبل
طيبى البطاطا وارحيها وضفى الزبدة والفرماج قد ما حبيتى وتجيبى اللحم المرحى تقليه ومن بعد تحطى فى بلا القليل من البرى وضفى اللحم المرحى ومن بعد البرى المتبقى واخيرا تضيفى الفرماج ربى ودخلها الفرن حتى تنشف وتتحصلى على لون دهبى
صحا وهنا
الله يفرحك بى توئم ههههه
anna
anna
فضووول؟؟ ههه
شوفي أختي دك نقولك وصفة ساهلة مافيهاش القليان لكن هاد الوصفة طيب بالخف يعني ما طيبيهاش بكري تتاكل سخونة
المقادير:
ـ ماء.
ـ ملح.
ـ زيت.
ـ الفرميسال.
ـ زيت زيتون.
ـ بيض
طريقة التحضير:
ديري الماء و الملح و شوي زيت في كاسرول كي يغلى فقسي البيض عليه كي يطيب البيض جيبي كمية من الفرميسال ضيفيها و بقاي تحركي في البداية و من بعد خليه كي يطيب الفرميسال ديريه في كسكاس صفيه و قطريه من بعد ديريلو شوي زيت زيتون
ان شاء الله نكون عاونتك و ربي يرزقك الذرية الصالحة
حلها قولي لاهلك يطيبولك ويبعتولك حتى ترتاحي
او كيما قالت انا لي جراتان