زوجك يحب ويكره 2024.

اختي العزيزة

من المؤكد انك فيك طبايع ملاااااح كامل الناس يحبوهم لا سيما الزوج ويتمنى دايما تبقاي هكذا ما تتبدليش
وفي المقابل كاين طبايع همهمهمهم ما نهدروش كي تبينيهم يعود يشوف فيك اييه ذبانة ودور في مخو ههههههههههه تعبير مجازي هههههههههههه
كيما نتي تاني
كاين طبايع في زوجك تحبيهم ويتميز بيهم هو عن غيرو
كيما كاين طبايع وحد اخرينكون تصيبي ما تشوفيهمش فيه

مثلا انا زوجي يحب فيا وحد الطبيعة هههه يحبني كي ساعات نلعبهالو الزوجة المطيعة وبلا ما يطلب مني حاجة نديرهالو
يعني انا الي نعرض عليه خدماتي ههه تحب كذا من عيوني تحب كذا غالي والطلب رخيص
وكاينة طبيعة يكرهها فيا موت
وهي السكوت يعني الصماطة كي يدخل للدار ونكون مقلقة ما نهدرش بزاف خاطرش كون نهدر بزاف نغلط فيه هههههه
هو يحب نهدر ونقول وش مقلقني وانا نهبل ونموت من واحد يشوف حواجبي مشكلين على شكل رقم11 ويجي يقولي وش بيك
هههههههههههه نطرطق فيه كي القرعة نتاع الغاز ههههههههههههه
وهو فيه طبية مليحة نحبها فيه
يحب دايما الترفيه واللعب والمقالب وووو المرح
وطبيعة ما نحبهاش فيه
هي التفرج على مباريات كرة القدم هههه هو يموت عليهم وانا نكره هذي الحاجة فيه
ساعات اني نهدر معاه وهو يتفرج كي نخلص الهدرة يقولي ما سمعتكش عاودي وش كنت تقولي