السلام عليكم مشكلتي راهي مع وليدي الي عندو ثلاث اشهر راهو مغلبني والف نحملوه ويبقى في الحجر ولازم ينام فيه ومبعد نحطوه مايرقدش في بلاصتو راكم عارفين الدار الكبيرة عمتو نهار كامل وهي حاملاتو وديرو في حجرها وكي ماتكونش هنا ما نحملوش ويولي يبكي بزاف حتى نحملو باش يسكت راني حابة نقطعلو هاذي العادة بصح بكا تاعو ضارني في راسي ما ستحملتش اعطوني الحل وكيفاش نخليه يبقى وحدو يرقد ولا طرفتhttps://www.dzhawaa.com/vb/images/smilies/69.gif
حبيبتي حسناء
ربي يكون في العون
حاولي اختي تنقصي في الهزان نتاعو خليه ساعات يبكي لهيه بحاجة وهو في فراشو بشوي حتى تنحيلو العادة هذي
ربي يكون في العون
حاولي اختي تنقصي في الهزان نتاعو خليه ساعات يبكي لهيه بحاجة وهو في فراشو بشوي حتى تنحيلو العادة هذي
شكرا ليك اختي
والله يا اختي عندي نفس المشكل مع ولدي وزيد مايرقدلي في الليل والف غير بصدري مايحبش يحكملي السوسات
والله غير ربي معانا
وحتى انا يرضع صدري وماشدليش لا سيسات وهبلني بصح تربى في الارض مايترفدش فقط لرضاعة بصح لازم تحبسيلو عادة الشد في الحجر ورضيع سلاحه البكاء لهيه بحاجة او طيور الجنة شحال من ام تسكت بها رضيعها لازم انت تتحكم فيه ماشي هو وصبري لبكاء يوم او اثنين وماترفديهش يقطع لياس
أختي ربي يكون في عونك بصح نصيحتي ليك خليه يبكي على روحو رضعيه مليح وبدليلو لاكوش ونظفيه مليح وخليه في سريرو لازم تنحيلو هذي العادة مادام عند 3أشهر برك خطراكش راح يزيد يتعبك بزاف حتان يعود عمرو عام وعام ونص ويقولك هزّيني خليه في سريرو وصكري الباب يبكي يبكي ومبعد تلقايه نعس ورقد هكذا بالشوي حتان تتنحالو هذي العادة وراح تتعذبي أنت كي تسمعيه يبكي بصّح لازم تكوني كوراج وتصبري ومتخافيش كي يبكي بزاف خطراكش البكاء يزيد الذكاء عند الرضيع وهذي معلومة علميّة ديري واش قتلك ورجعيلي الخبر عزيزتي وربي يكون في عونك
اه والله غير تسمعو بكاه يسمع كامل الزنقة
hhhhhhhhhhhhhhhhhhhhhhhhhh khti rani kima nti ghir ana wlidi 3andu 3amiiiiiiiiiiiiiiiiiiiiiiiiiiiin chufi ch3a 3andi w ana n9asi w duk rani hamla w ygulak manargudch fi du7i lazam diri chwya kurage w y3awnak kach wahad fih rabi m3ak w m3ana
اختي امرك صعيب بعدي عليه شوي هذي الحالة راح يغبنك