رايكم يهمني جدا دبرو عليا 2024.

السلام عليكم اخواتي العزيزات
موضوعي راه طلب رايكم في حاجة حبيت نديرها وحبيت نشاوركم باه تدبرو عليا خاطرش خفت نخاطر بشعري هههه ونخرج نخوف عوووووووووووووووووووو
المهم حبيت نبدل لون شعري واحترت وش من لون ندير مع العلم اني درت مرة الاكاجو وما خرجليش مليح قالولي نتاع النساء الكبار في السن ودرت الاوبارجين وكيف كيف
ليماش ماعنديش بزاف ملي نحيتهم
حابة لون موحد للشعر وجديد مع العلم ان شعري الان طبيعي واسود
ولون بشرتي بيضاء
وش من لون تدبرو عليا نديرو
ووش هي الصبغة المليحة والي تعطيك اللون المطلوب والي جربت تقولي الاوكسيدون دارت 30ou20 volume

نتمنى نلقى دبارتي عندكم اخواتي راني حابة نبدل اللوك ههههه

ديري chatin clairاسم المنتج اندريا دوتتي
انا درتو عندي اسبوع خرجلي هايل

شوفي اختي مع اني من محبات الشعر الاسود…نعطيك رايي…قلتي انت بيضاء ..يعني ممكن شتان ا

chatain clair naturel

هو اقرب للون الطبيعي لكن مع الغسيل راه يكلارسي يبان اكتر فالاضاءة

ياياسمين حتى الاسود بالدرجات لانه في الاسود الغرابي وهذا صعب تصبيغيه للون المراد .لذلك افضل ذهابك للاخصائية احسن .

هههههههه اختي احلام راكي ناسية راني في تمنراست
واختي ليلاز قوليلي اللون الي درتيه خرجلك كيما الصور الي حطتهم الاخت ولا فونسي انا جاوني الي ف الصور اصف مش شاتان ولا الشاتان تخرج هكذاك

اللي فالصورة اللون اصفر يعني لازمك مزيج لونين باش يخرجلك هاداك اللون اما اللي نقصدو اناهو

وهادي هي الصبغة تخللي الشعر ارطب ومسرح
يمكنك صبغه بالاشقر الفاتح (سبق وان دكرت الماركة )
وكل مرة يعطيك نتيجة افتح
فالنتيجة لا تكون من اول صبغة ادا حبيتيه افتح ديري chatin tres clair

انا ايضا شعري اسود غرابي
و عندما اذهب الى الحلاقة تندهش من شدة سواده
و تقول لي ان هذا النوع من الشعر قليل جدا
فاياك ان تخسريه او تصبغيه
و في الحقيقة انا احبه هكذا و لا اود صبغه
أما أنت فهذه الصبغة قارنيه الجديدة الدائمة أعطتها لي أحد الحلاقات
GARNIER
Color Intensity
رقم 6 اشقر داكن
الجيريا

شكرا حبيبتي ام منذر
وشكرا اختي ليلاز والله اللون رائع نجربو بالاك يخرجلي كيما في الصورة بصح على ما اظن لازم على الاقل ثلاثة اشهر باه تزيدي تصبغي لصحة الشعر وانا ثلاثة اشهر قادر يعاود يرجع اسود من جديد

اترك تعليقاً إلغاء الرد