السلام عليكم صح رمضانكم وكل عام وانتن بالف خير
اليوم حبيت نقوللكم واش صاري فيامع رمضان انا الان حامل في الاسبوع السادس عشر يعني 3اشهرواسبوع طبعا وانا صايمة يفوت نهاري عادي نحاول منتعبش روحي بصح هو يغرب المغرب وانا نسوفري نحس روحي ثقيلة بالرغم من اني ماناكلش بزاف بصح والله منقدر نبات نتعذب حتى حاشاكم نرجع باه نتنفس شوية وليت نشرب كاس حليب وشوية شلادة وبوراكة ومنحكيش على الماء الى غاية اليوم الموالي يعني مانصحر ماوالو والله ساعات نسخف على حوايج بصح نخاف نخلصها مباعد شكون صرالها كيفي وشككون تقدر تنصحني مع العلم هذا حملي الثاني
@@@@@@@&@@@&@&@&@صح فطوركم@@@@@&@&@@&@@@@@&@
ربي يشفيك و يعافيك اختي انا ماعنديش فكرة انشاء الله المتزوجات يفيدوك
راكي كي أختك في أولادي الاثنين يصرا فيا العجب و في رمضان او بغير رمضان ولكن في رمضان اكثر و زيد مانكلش طول حتى اظطريت نفطر مرة و زيد الليل مايدينيش النوم و في النهار دايخة و نخدم فوق القلب ههههه و نقول ندير حسابي باه مانهزش في رمضان هههه و لكن المكتوب مكتوب يا اختي هذا الوحم جاك هكذا حاولي تشوفي الأكل لي يساعدك انت فقط مثلا انا بابني نأكل البرتقال تتنحالي الدوخة
كولي غير حاجة خفيفة ممكن البوراك ثقيل و الدسير الدلاع التفاح حتى اكتيفيا ممكن تساعدك و اذا كنت تفطري على الشربة عوضيها بالبويون اخف للمعدة و انا ساعدني بزاف في رمضان
كولي غير حاجة خفيفة ممكن البوراك ثقيل و الدسير الدلاع التفاح حتى اكتيفيا ممكن تساعدك و اذا كنت تفطري على الشربة عوضيها بالبويون اخف للمعدة و انا ساعدني بزاف في رمضان
ا
نا اولادي في 3 نرفد بيهم في رمضان
واش نحكيلكم ما ناكل ما نتوحم كيما النسا غير القيا حاشاكم
و لي ناكلها نرجعها يالوكان الما
و كي يفوتو 4اشهر و شوية
نولي شوية لحالتي
نكره الاكل وين كان ريحة البصل و الثوم
الجاج و اللحم و السردين
المهم وحمي في ولادي 3 غراااااااااااااف
ربي يكون معاك و ان شاء الله مرحلة و تفوت
واش نحكيلكم ما ناكل ما نتوحم كيما النسا غير القيا حاشاكم
و لي ناكلها نرجعها يالوكان الما
و كي يفوتو 4اشهر و شوية
نولي شوية لحالتي
نكره الاكل وين كان ريحة البصل و الثوم
الجاج و اللحم و السردين
المهم وحمي في ولادي 3 غراااااااااااااف
ربي يكون معاك و ان شاء الله مرحلة و تفوت
و الله يا حبيبتي كل وحدة و وحمها
و كاين دواء تاع القيء حاشاك للحوامل
تلقايه في الصيدليات
المهم أبداي الأكل بحبة فاكية مثل التفاح و مبعد ريحي شوية و كملي ماكلتك
يقولك ربي في كل آية ذكر فيها ألأكل ذكر الفاكهة قبل الأكل و هي تساعد كثيرا
ربي يتمملك بخير
و كاين دواء تاع القيء حاشاك للحوامل
تلقايه في الصيدليات
المهم أبداي الأكل بحبة فاكية مثل التفاح و مبعد ريحي شوية و كملي ماكلتك
يقولك ربي في كل آية ذكر فيها ألأكل ذكر الفاكهة قبل الأكل و هي تساعد كثيرا
ربي يتمملك بخير
يالطيف ماتفكرينيش في بنتي الاولى الله يستر نفطر ومباشرة بعد مانصلي الى الحمام اكرمك الله
الحمد لله السحور يبقالي في كرشي نفعني فقط
ياترى اختي كيف حالك الان
