درت الحنة روايال بني في شعري في مارس لي جاز و هاذ المرة رحت للحلاقة نصبغ قاتلي لازم تبقاي عام و نص على الاقل باش تروح الحنة هكذا موحال تخرج الصبغة 
wech ndir !
نظن تقدري دكبيها و الله أعلم شوفي اختي حلاقة راهي راقدة غذوة كي تنوض نسقسيها و نردلك الخبر
merci
أختي كاين طريقة ممتازة لإزالة أثار الحنة و هي الغاسول عملي الغاسول لشعرك مرة او اثنين على الاكثر تروح كل أثار الحنة ، و ما تندميش اللي درتي الحنة لانها أحسن معالج للشعر أنا اليوم درتها لشعري خرجلي لونها شباب دارنا عجبهم بزاف
اختي المعروف عند الجميع انو الحنة تخليك ما تقدريش تصبغي شعرك مدة عام بالاضافة الى الحجرة السودا ما تخلطيش في شعرك بزاف سقسي الحفافة تقدري تديري فوقعا لون باهي مثلا البنفسجي يخرج مليح فوق الحنة و بقاي صبغيه بهاذ اللون حتى يفوت العم و تقدري تغيري و هكذا تتهناي من اللون لي ماعجبكش….موفقة
حسب معلوماتي أن الحنة لاتنفع معها الصبغة للأسف
الصبر الصبر
أختي راني سقسيتلك اختي قالتلي قولها وين راهي واصلة الحنة في شعرها يعني هل راه تروحلك من الجذور ؟ و قالتلي تقدر تصبغ نورمال و الحنة في شعرها ممكن الحفافة خافت كي شافتك حاطة الحنة في شعرك و قالتلي إذا حبة باه تتاكدي بلي الصبغة رايحة تخرجلك جربي دي شوية من شعرك التحت و حطي الصبغة و شوفي إذا تخرجلك
اختي انا نقولك تجربتي الشخصية و ننصحك بالاكي تزيدي تستعملي حنة روايال راح تخسرلك كامل شعرك كماش قد الحنة الورقية انا كان شعري طوووويل و ناعم و درتها باللون الاسود اصبح شعري جاف و متقصف و تقريبا عامين مارحتش و كي ندير صبغة تخرجلي غير من الامام حتى اضطريت نقطع شعري وش تقولك اصبري عليها و لا قطعي شعرك
السلام عليكم و رحمة الله تعالى و بركاته
ان شاء الله تصيبي جواب على استفسارك انا ما عنديش فكرة
ينقل للقسم المناسب
ان شاء الله تصيبي جواب على استفسارك انا ما عنديش فكرة
ينقل للقسم المناسب
السلام عليكم
من فضلكم عندي شعري جاف ونعاني من القشرة أو تقدرو تقولو فطريات لذلك كاين ناس نصحتني باستخدام الحنة أنا حابة نعرف وشنو هي الحنة المليحة والمناسبة لشعري مع العلم أنا شعري لونو خروبي وهل هناك ماركة نتاع حنة لي انتوما بلاك استخدمتوها وعجبتكم، وطريقة الإستخدام لأنني منعرفش نخلط في شعري عمري لا سبغتو و
شكرا مسبقا