خبيز الفرينة .روعة 2024.

السلام عليكم
اليوم جيتلكم خبيز بالفرينة مجرب واقتصادي المقادير
فرينة ملح وماء وزيت وزبدة وعسل
طريقة التحضير
نحط الفرينة وملح والماء ونخلط الكل مع بعض حتى تولي ملمومة وطرية
غطسي يدك في الزيت من بعد قطعيها على شكل دوائر صغيرة كيما راه في الصورة

ونخليها ترتاح مدة عشر دقائق

ومن بعد نخبزوها بشكل وريقات دائرية وطليها بالزيت بين كل طبقة وختها

ديري وحدة فوق وحدة حتى تتحصلي على خبزة كبيرة ولازم تكون رقيقة بزاف

ومن بعد حطيها فوق الطاجين على نار هادية

وطليها بالزبدة في كلا الجهتين

وبالصحة والهناء

واذا تحبي عسليها على حساب الذوق

تحياااااتي

بارك الله فيك جاك هااااااااااااايل
كي شفت كلمة خبيز قلت هادي سور ما تكون غير شلفية
دخلت نجري هههههههههههه، متشرفين أختي مؤمنة بالله

شكرا على الوصفة اختي بارك الله فيك

وفيكن بررررررررررررررركة .
شكرااا على الردود ، التي حتى ولو كانت قليلة ، فهي لن تحول بين حبي للمنتدى وعضوات المنتدى الرائعات .
الى الامام ، الى الامام ، الى الأمام

يا جارتي لعزيزة هذا خبيز ولا خلي شباب ويشهي انا اعطيلي خبزة بالعسل هكا نبغيه وبارك الله فيك انت مرا ونص

ما يكون الا خاطرك حبيبتي و جارتي نورهان 1
ارواحي عندي ونديرولك
بالصحة والراحة

رووووووووووعة ورق رقاق شااااف يم شهيتيني ان شاء الله نجربوه

يعطيك الصحة حبيبتي
خرجولك يشهو

سمعت كلمة شلف شميت رائحة امي واخوتي وانا بعيدة عليهم ….
يعطيك الصحة حبيبتي وسلميلي على اهل الشلف
حبيت نسالك هل العجينة تكثري لها الماء او فقط قد ما تشد انا جربتو مرة لكن ماجانيش طري كيما المدلوك او الملوي رغم اني نخبزها بالزيت والزبدة

بارك الله فيك غاليتي……