السلام عليكن اخواتي
هانا اضع بين ايديكن مشاركتي الثانية في مسابقة الكوزينة اتمنى ان تنال اعجابكن
هذه الوصفة وجدتها في احدى المنتديات في اتم الروعة دون مبالغة باذن الله
تستطيعين ان تجعليها حلوة للبريوش خبز حلو لامونة وغيره من الاشياء الحلوة والرائعة وايضا المالحة اعتمدتها في عجينة البيتزا والخبز المعمر واش انقلكم ماشاء الله
وطبعا باضافة من عندي
المقادير:حبة بيض,اربع معالق زيت كبار,ملعقتين كبار خميرة الخبز,ملعقة كبيرة سكر هذا بالنسبة للعجينة المالحة واذا اردت ان تستخدميها للبريوش والاشياء الحلوة ضعي كاس من السكر عوض ملعقة
االقليل من الملح كاس ونصف ماء دافيئ
الطريقة نضع جميع المقادير ماعدا الفرينة والماء الدافيئ نضرب جيدا بفرشاة ثم نضيف الماء الدافئ ونخلط جيدا ثم نضيف الفرينة في الاول اجيك العجينة كي البغرير ابقاي اتخلطي امليح او زيدي الفرينة بالشوي حتى تتحصلي على عجينة متماسكة غطيها واتركيها ترتاح مدة30ساعة (تخمرلك ماشاء الله او تطلع امليح)
حضري الحشوة انت وطاقتك وكل حسب ماعنده انا احشيتهم بالطن والفرماج والبطاطا المقلية والبيض المغلي
بعدما تخمر العجينة انحلها بالحلال انشكلو حربوش طويل واعريض ثم نفرغ الحشو على طول او نبداو اندوروا حتى انكملو العجينة او نتحصلو على شكل حلزون
اتركم مع الصور:
ندهن الوجه بحبة بيض مع قطرات من عصير الليمون ونضيف اما السمسم اي الجلجلان او السانوج
هذا هو شكلها النهائي
وهنا بعدما قطعتها
وهنا درتها مرة اخرى لكن على شكل وردة
اتمنى ان تنال اعجابكن واجربوها اخواتي
ماشا ء الله واصلي ويعطيك العافية
هههههههههههه والله والو
شكرا لك
:i con30:
و الفرينة كم الكمية تقريبا ؟؟؟؟؟
على قد ماتتلايملك اختي حوالي اربع ونصف كيسان امعمرين
شكرا لك
بصحتكم حبيبتي
واش انقلك كنت كلما نخدم حاجة انصورها واندسها
اصرى عندي مشكل في الميكرو ماايحبوش يطلعو منو
امالا اشريت تيليفون اجديد احم احم زعما زعما جالاكسي او درت لابوس نجمة فيها كانو امخبيين عندي في لاكارت ميموار سييت قلت بالاك ايفوتو امالا طلعو في لاباج تاعي على الفيس بوك او دوك راني ندخل لاباج وانحط
احكيتلك قصة حياتي كلها ههههههههههههههه
شهيتيني راني نشرب في الشاي سخفت على هذا الخبز
موفقة حبيبتي