حلوى البالون من عند لينا "حلويات2024" 2024.

عسولات الي طلبو مني طريقة معذرة على التاخير ظروف والله

اليوم جبت لكم قاطو البالون ان شاء الله تحضروه وتنجحو فيه

المقادير :
250غ مارغارين طريةة
04ملاعق كبيرة سكر قلاص
01ملعقة كبيرة نشاء
نص كاس بندق محمص ومرحي رقيق
نص كأس لوز محمص ومرحي رقيق
02صفار بيض وبيضة كاملة
رشة ملح
الفرينة
في صحن غامق نحط رشة ملح+مارغارين+سكر ونشاء ونخلطهم جيدا ونزيد البيضة و02صفار ونخلط ونزيد عليهم نص كاس بندق+لوز ونخلط ونبدى نزيد فالفرينة حتى نتحصل على عجينة

ميزة هذه العجينة تجي بنينة وخفيفة وتذوب فالفم ممكن عملها ترتولات ونحشيها بموس الليمون ممممممم

المهم نجهز قوالب البالون ونضع العجينة داخل (رققو العجينة وماتخافوش باش كي طيب تلقاو بلاصة وين تديرو الحشو لانها ستنتفخ قليلا )

بالنسبة للحشو لكم حرية استعمال ماتشاؤون شرط مايكونش جاري لاننا سنقلب البالونات

ومن نفس العجينة نسرحوها على كيس بلاستيك ونطبع دوائر نفس حجم القوالب ونطيبوهم على 180درجة

الان سنمر الى عالم الصور

الجيريا

بالنسبة للقلاصاج عملتو ديجا موضوع وصدقوني تحفة تحفة وماييبسش وطلبوني فيه بزاف والي جربو هبل عليه والتجربة خير برهان قمورات
لكل من تسأل عن قلاصاج رائع وماييبسش

الجيريا