ساعدوني يا فتيات
عطاوني هاد العام حقوق و مانيش عرافا واش ندير مليحة ولالا ماعندي عليها حتى فكرة
قولولي رايكم
أما إذا كنت علمية فأنصحك بالتغيير للإقتصاد و ذلك حسب معدلك
إذا كنت أدبية وتحبين العمل في الإدارة فأنصحك بالحقوق و إذا ماتحبين الإدارة ديري لغات وتقدري ديري بيهم تعليم
و إذا كنتي علمية كيما قلتلك من قبل هدا لي نعرفو نتمنى نكون أفدتك و لو بالقليل
الجوهرة النادرة
لكن نقولك و بصفتي أنا ايضا كان تخصص حقوق فهو تخصص كباقي التخصصات و له ايجابيات و كرأي انصحك ان تواصلي فيه خاصة إذا تابعته في كفاءة المهنية اي CAPA
وبما أني كنت نحب هذا التخصص الحمد لله
تخصص جيد و فيه مجالات عديدة في العمل لانه يندرج ضمن تخصصات الإدارة
. و قرار الأخير لك إذا كانت لديك رغبة في هذا التخصص
و أخيرا انا اصوت عليه تخصص جيد
ربي يوفقك اختي
انا عندي ليسانس حقوق مليحه بصح فيها حفااااظه يعني كيما قالت الاخت اذا كنتي علمية غير اخطيك اما ادبية نورمال و ماكاش تخصص ما فيهش تعب هاذي اكيد بصح باش تقوليلي فيه خدمه صعيبه صح مطلوووووب بصح راكي عارفه بلاد ميكي و المعريفه المهم ننصحك انا ندمت لمدرتش مدرسه لانو كان معدلي يسمحلي باش ندخل للمدرسه العليا للأساتده في قسنطينه لكن ظروف مسمحتش الحمد لله بصح كان قريت راني معلمه و منصبي مضمون يعني لو تقدري ديري لغات كيما قاتلك الاخت افضل و زيد الحاجه لتحبيها راكي تقرايها و العكس اذا كرهتيها 
و ربي يوفقك ليفه الخير تحياتي 
انا عليمية بصح عندي ميول ادبية و نحب لغة انجليزية و حابة نبدل ليها بصح ادا ماعطاونيش غادي نقرا حقوق
و اختي شفيقة قوليلي واش هي التخصصات لي فيها و لعلمك انا مانديرش محاماة
اختي ذات النون لايوجد تخصص جيد وتخصص سيئ ولا يوجد تخصص أفضل من تخصص، فكل التخصصات جيدة وكلها مفيدة ولكن عليك ان تحددي التخصص المناسب لك والافضل لك فماكان جيد لدى غيرك ليس بالضرورة جيد لك وليس كل ما كان سيئ لغيرك بالضرورة سيئ لك ….إذا عليك ان تختاري التخصص المناسب لك من حيث جانبين مهمين هما:
1- ميولك أو رغبتك ، فعليك اذا أن تسألي نفسك هل هذا التخصص يناسبك ؟ هل تحبينه ؟ هل تعتقدين أنه يحقق طموحاتك العلمية والعملية؟
2- الميول وحدها لا تكفي لنحدد ماهو مفيد ونافع لنا بل عليك ان تنظري الى هذا التخصص وفق قدراتك فهل قدراتك تسمح لك بالنجاح في هذا التخصص؟ فأحيانا نحب شيئ ونحن لا نقدر على فعله .
أما من ناحية العمل والتوظيف فهذه أرزاق يقسمها الله فكم من شخص درس تخصص كان يعتقد انه طريق للتوظيف لكنه ما زال يعاني من البطالة وكم من شخص درس تخصص وهو يائس منه لكنه موظف وفي وظيفة جيدة ……إذا أخيتي قفي أمام نفسك وفكري في الامر جيدا ولاتنسي الاستخارة في الاخير حول ما ستختارينه ….اتمنى لك كل التوفيق.
حقوق مه نظام lmd كي تولي سنة ثانية راح يطلب منك تخصص مثلا في قانون الاسرة قانون مدني او جنائي او اداري انت و ما تحبي و يمكن انك تيحلك فرصة في الجامعة حتي درسي أعمال تطبيقية
و في اخير انت و ما كتلك ربي
و ربي يجازيكم
حابة نعرف ادا درت قانون اداري في المستقبل ان شاء الله واش رايح نخدم ؟