جات العطلة اذا عندك رحلة دخلي نوصيك 2024.

قربت العطلة والكثيرات منا تنتظرها للذهاب في رحلة استجمام او زيارة دارهم لتكون بعيدة عليها المهم اليوم جبتلكم افكار للسيارة كيف تكون في الرحلات باش ما تنغبنيش اختي مع اولادك وانشاء الله تستفيدي شاهدي الصور

كثيرا ما يغفو طفلك وينام في السيارة شوفي كيف تحكمي راسو باش ما يميلش للقدام بوسيلة بسيطة

وخلال السفر الطويل الطفل يمل خذي له قصص وضعيها بجانبه ليقراها متى شاء وحبذا لو تكن جديدة عليه
وحتى الاكل مرات نبغو نا كل في اللوطو وهي تمشي املا حطي الاكل في مثل هذه السيكان وعلقيها امامهم ياكلو مرتا حين وكلشئ موجود امامهم ماشي كل مرة ماما اعطيني نشرب ولا نا كل وفان فكرة محمية باش ما نوسخوش اللوطو

وستعملي للعصير والماء هذا النوع من ال كؤوس باش ما يدفقش الماء

واخذ حقيبة الاسعفات الاولية هي الاخرى جد مهمة وانا مثلا اولادي من السخانة مرة على مرة يرعفو لذلك دائما كاين في اللوطو القطن والخل لان الخل فعال ويحبس العاف فورا وهو نصيحة عجوزي اما جدتي وصاتني على القهوة البن المرحي لما توضع على الجرج تحبس النزيف لو قدر الله ونجرح وليدك خلال الرحلة

وفي المانا دير حسابك ودي كل شئ وخمي في الطوارئ انا ندي فراش خفيف وندي سرابت قماش وندي اكياس بلاستكية للقمامة ونشافة دائما موجودة خاطر مرات يدفق الماء ههههها رغم الاحتياط رتبي كلشئ بانتظام ليسهل عليك البحث فيما بعد من صابون سائل ماء دواء للراس ودواء لادياغي وزيت زيتون قاع ما تخطنيش في اللوطو ليقول كرشي نمدلو يشرب هههههههها

يتبع

يااختي نورهان هذا الأغراض كامل لاتحملها الا الشاحنة ^^
بصراحة عجبتني حملات الهواتف نحتاجهااا
وعجبتني حملات الأقلام هايلة والي تحمي الأولاد عند النوم رائعة
نسيتي حاجة مهمة ـ الحامية ضد الشمس وينهاااا
نقلك موضوع هايل جا في وقته ـ الاسبوع القادم رايحيين الى بوسعادة وبعدها غرباا
الحمد لله سيارتي فيها ثلاجة

جهزي حقائب للرحلات لي فيها جيوب كثيرة واذ لم تتوفر استعملي لصاك ادو تاع الاولاد ههههه مثلي

سلمت يداك حنونة …
اللي تشد الراس هاذيك هاااااااااااااااااااااايلة …
بنتي المخلوقة رقبتها تتكسر كي ترقد في السيارة …
نهار كامل و انا نطلع فيه …
ان شاء الله نحوس عليها و نشريها …
.
.
.
.
.
.
شكرا لك …

مشكورة ام شيماء وكي ترتبيالقش مليح ما يديش بلاصة كبيرة وكلها اغراض بسيطة والموضوع من اجتهادي الخاص مش كوبي كولي والف شكر ليك وانشاء الله رحلة طيبة وعودة طيبة للبيت استمتعو

تقدري تخيطيها أختي أم هاجر ـ لاأظن أنها توجد في السوق
انا ايضا نجرب انخيطها لشيماء وعلي ـ اندل انعس فيهم كي يرقدوا

روعة ان الانسان يجتهد من نفسه خير من كوبي كولي ^^
ـ وعطلة طيبة للجميع برغم ان رجلي اكرمك الله طيب من السياقة وخاصة ضهري
بمناسبة الام الضهر ولكتاف في السياقة معندكش كش حل؟؟::

عندك الحق ام شيماء ماشي واعرة لاوات وقطعة قماش وحنا خيطناها
شكرا على المرور العطر حبيبات قلبي

.
.
.
نديباني هاك حتى يفرّج ربي …
.
.

.
.
.
صبتها في النت يسموها cale tete نزيد نحوّس و نشوف وحدة تناسبني ….
.
.
.

ههههههههههههههههه هاجر ام سارة راكي صبت الحل