تنظيف الحمام 2024.

1. كروانة نحط فيها الخليط السحري نتاعى2 فنجال جنرال للارضيات والسيراميك وعليه فنجاال كلور مليان على اخره و2 غطا ديتول مركز كبير وعليهم شوية ماء واستعد للمعركه
2. نجيب كتانة حرشة نتاع ماعن وندير بسينتةاخرى صغيرة وندير فيها شويه شمبوان وشويه جافيل ونغسل القش نتاع الحمام اولا نشلو مليح ونخرجو يتشف خارج الحمام
3. نولي للخليط الاول ونجيب شيتة او مكنسة ونبدا وقبل ما نبدى لازم نمسح البلفون قبل
4. نغسل لحيوط وتشللهم ومباعد الفيونس ونشلو مليح ونمسحو بكتانة قطنية باش ما يبقاوش الطراس نتاع الماء باينين ا
5. المرحاض والبالوعة نديرلوحطي الهاربك باور على اطرافا لبالوعه ولازملو15 دقيقة باش تشليه
6. نغسل لافابو والبينوار والارضية ونشللهم مليح مليع ونفوت عليهم بكتانة ناشفة باش ما يبقاش الماء محجر
7. ما تنسايش المراة
8. باش تشوفو وجوهكم ديريلها جريجة وسائل الزجاج ونبدل الفوطات وندير مناديل جديدة

سيدتي هذه الطريقة نديرها مرة في الشهر وتبقى الطريقة العادية نتاع كل يوم..نغسل فيها الحمام..
وفي الختام هاهي مواديالتنظيفية

وانت كيف تنظفينه؟؟؟؟؟؟؟؟؟؟؟؟؟

بارك الله فيكي تنظيف على اصول
انا انظف الحمام بطربقة عادية
اولا نغسل الحيوط والبلافون بماء وجافيل وانا من عاشقات الجافيل ورائحته
نغسلهم باتعمال بالية حرشة ومظيفة
ومن بعد بالتيو نشللهم ونحط كتان ناشفة على الفروطوار ونشفهم
من بعد نغسل الفايونس بنفس الطريقة ماء وجافيل وشيتة ونشفو كدلك
نحط على المرحاض والبانيو البوتاجي محلول نظاف ونخليه ربع ساعة ونشلل بالماء جيدانسيق الارضية وانتهى

الله يسلمك لكن حاولي ديري ديتول ينحي البكتيريا ..

ان شاء الله نجربو هديل
لكن اين الردود العضوات ماينضفوش الحمام ولا واش

مانيش عارفة …تبانلي كامل عندهم الخدامات راني غير انا وانت مزالنا شادين في عاداتنا

هههههههههههههههههه والله كاينا منها

واش رايك حنا تاني نجيبو خدامات ونحكمو قسم التجميل خير لنا

ههههههههههههههه والله غير عند حق
تعبنا مالمطبخ للحمام غرف النوم

بارك الله فيك هديل يعطيك الصحة انا طريقيتي نفس ام سرين