آهلا وسهلا بالجميع
صحة فطوركم و ربي يتقبل منا و منكم
اليوم طبقت وصفة كانت عرضتها أخت في قناة لحلوى القطايف
مصورتش الطريق لأن أول مرة نجرب الوصفة و أول مرة نطيب القطايف 
المهم نحتاجو : قطايف ، لوز ، 2 لفاني ، ماء زهر ، سمن
في صينية نحلو القطايف أنا استعملت نص كومة كبيرة و نضيفو ليها لافاني و نبقو نحلو فيهم
منبعد نجيبو اللوز مرحي نضيفو ليه لفاني و ماء الزهر و نعجنوهم مليح
نجيبو صينية أخرى ندهنوها بالسمن المذاب و نبقو ندو القطايف و نحطو فيهم معجون اللوز و نكورو فيهم دوائر و نحطو في الصينية و كي نكملو نضيفو فوقهم السمن المذاب المتبقي و ندخلوهم للفرن
و كي يخرجو نضيفو ليهم الشربات أو العسل و يكون خفيف
و المرة الجاية بحول الله نعاود الطريقة و نصورلكم الكيفية
هذي كانت برك تجربة ليا عطوني رايكم جبتها و لا مازال 
يالله عطوني رايكم 
٤٤٤٤٤٤٤٤
الله يبارك جاتك هايلة
بصحتكم
صح فطوركم
بصحتك
الله يبارك على الفحله نتاعنا